Popular Bible Verses from Ngü te sere te-ye 22

Ma de gina kpara, ma kpah de adu kpara. Ma kpo de wü ngü ta me-ra. Ma ena adu anza wü ngü kpah me-ra.”

Te di bala, dene ngü te Yesu mala fü wü kpara ꞌburu. Ah gü ba, “Ma ena adu akoro tïtïne. Gbü sïkpï, te ma ena adu akoro tete la, wü kpara ꞌburu de te ewü lala fï bü gbü ngü ka-ra ne, ma ena aküwa ewü. Amba mene wü kpara, de te ewü ngbü emere siti ngü ne, ma ena ato cïnga te ewü!

Te di bala, *Nzïla Wazi Me ngbü emala ngü fü wü kpara ꞌburu, gü ba, “Wü koro ekoro, de wü le kpah ngü ka Me ne.” Wü *kpara ka Yesu, te ewü di baka wara ka ne, wüh mala kpah bala. De-yi, de te yi ngbü eje ngü ne, yi mala nga ngü ne kpah emala fü wü bu yi. De-yi, wü kpara de te gümü ngu ngbü emere yi ne, yi koro ekoro kpaka Yesu, teka fü engu ato züka gu ngu ka *küküwa fü yi. Engu ena ato ngu la fü yi kükürü, teka *züka maguma ye.

Te di bala, wü di enga wüna, ah le fü yi azürü wü siti ngü ka-yi azürü nzïla, de *ngüte Yesu, *Kambiliki ka Me, teka fü yi arï angbü de tadu, agbü to mere kötï ka Me, te su fa sü ne. Fü yi azü kpah rï-rü, de te ena aküwa yi fï mere badi ne.

Dene ngü te Yesu mala fü nih, wü kpara ka-ye ꞌburu, gü ba, “Ni ena adu akoro kere! Ah le fü nih aje wü rïrï ka-ni, de te wüh ba ewü gbü *Ngari Me ne, teka fü nih aküwa fï mere badi.”

Wüh tï asiya wa agbü to mere kötï la nda-wü de, angü biti kpala nda ma. E te ena angbü elofo sü kpala, ena adi ka-ye bü duu wazi Me. Fü wü kpara ka Me angbü kpala, fï mere badi, baka wü miri.

Miri Yesu ngbü sere ngü la fere ꞌburu me-ye. Ah mala ngü fü wü kpara ꞌburu, gü ba, “Ah ngbürü bala! Ni ena adu akoro kere!” Ah di bala, Miri Yesu. Wayi, mü du edu kere! Miri Yesu Kurisito, di de wü yi, wü kpara ka-ye, de ah to kpah wazi fü yi, angü engu de mürü *züka maguma. Dela adu ngü ka-ra, Yüwane, ah di bala.

De-ra Yüwane, dene ngü te ma le amala fü wü kpara ꞌburu, de te ewü ngbü eje ngü de gbü buku ne, gü ba, “Yesu sere wü ngü de gbü buku ne fere me-ye. Te di bala, yi mere e aza wü gara töndö fïngangü ka-yi, adünda de ngü ka Yesu gbü buku ne de. Angü, te yi mere bala la, Me ena ato kuru te yi, baka wü kuru, de te ma mala nga ewü gbü buku ne! Kpah bala, yi mere e aza gara ngü, de te wüh ba gbü buku ne, awo asidi kpah de, angü Me ena aza kpah züka ngü, de te engu le ato fü yi ne, asidi. Te di bala, yi tï arï agbü to mere kötï ka Me, nda-yi tïne de. Yi tï azü rï-rü te ena aküwa yi fï mere badi ne, nda-yi kpah de.”