Popular Bible Verses from ROOM DIMA 8

Share

Ti mi halli, ni, seelli kam zaa ni, Naawunni suŋŋni la ninvugseeba ban wuri u maa - di nyɛ la: baseeba ŋɔn Naawunni ŋɔn daa daŋŋi m‑pii maa, u yuubu la zugu.

Dama n niŋi yɛdda, ni, seelli ku toaai n‑wɔligi tin ni Naawunni wurilim#:- kum ku toaai n‑niŋi, ka nyɔvuri mun bu ya niŋi. Pa malaakadima, pa yiiko daandima. Bunseesi an bɛ duniya wa ni pampaŋŋɔ ku toaai n‑niŋi lala, halli an naayi ya kyɛ na gba. Bunseesi an bɛ saazugu, bee, bunseesi an bɛ bɔ'azuliŋŋu ni ku toaai. Halli bunseelli kam zaa kan bɛ la duniya wa ni m‑paasi - seelli ku toaai n‑wɔligi tin ni Naawunni wurilim din bɛ ti Dugma Kirisita Yisa Masiiya saani maa.

Lala ka Sii maa suŋŋni ti, tin ka yaa maa zugu. Dama ti bu mi din da sum ni ti susi Naawunni seela, amaa Sii maa zɔri ti sindaani n‑tiri ti ni nimmoaa, halli ka sɔ ku toaai n‑yɛli u nyuusigu gbinni zaa ŋɔn nyɛ seem gba.

Tɔ, ka dinŋɔna wula ka ti ya yɛli di zugu? Naawunni yi bɛ ti saani, ŋɔni n nin toaai n‑zabri ti? Ay! sɔ ka ni.

Dinŋɔna ba ku laa n‑toaai n‑kari Kirisita Yisa niriba sariya n‑lusi ba, halli beela.

Ningbinkɔrisi teesa tiri la kum, amaa sii maa beesigu teesa tisiri la nyɔvuri ni sufudoaa.

- Ay! Anŋɔ zaa puuni ti nin nya nyaŋŋni, Yisa ŋɔn wuri ti maa zugu.

Man ŋɔn nya seem maa nŋɔa#:- pampaŋŋɔ namsigu wa ku toaai m‑ma'asi ni gyirima veelim seaa ban nin kasigi n‑ti ti la.

Ka ŋɔni n nin toaai n‑wɔligi tin ni Kirisita wurilim? Daaŋŋu bee? - bee mugsigu? Ban tumni ti putoo nin niŋi? Kɔm ŋɔn ti lu, bee, ti ti kɔŋŋi kyinkyina? Dabeem yɛla nin niŋi, bee tɔppu?

Naawunni mun viisiri m‑baŋŋi din bɛ ninsaalidima sufu ni, ka laa m‑baŋŋi din bɛ Sii maa teesa ni, dama Sii maa zɔri la Naawunni niriba sindaani n‑tiri ba, ka ŋɔn niŋni seem maa dɔli la Naawunni yuubu soori.

Dama sɔkam ŋɔn dɔli Sii maa beesigu la nyɛ la Naawunni biiya.

Dama seeba ban bɛ duniya wa ningbinkɔrisi ni la, ba zikki zaa bɛ ningbinkɔrisi yɛla ni; amaa seeba ban bɛ sii maa beesisuŋŋu ni la, ban mun zikki kur bɛ sisuŋŋu yɛla ni.

Ŋɔna ŋɔn daa bu za'asi, ni, u toori Bii ku kpi, amaa u daa zaŋŋi u n‑tisi ti zaa zugu; ka dinŋɔna, wula zugu ka u ku ti ti bunsuma kam zaa m‑paasi u zugu? - U ku toaai m‑mɔŋŋi.

Halli Sii maa mammaŋŋa paasiri la ti toori siisi zugu n‑wulisiri, ni, ti siri nyɛ la Naawunni biisi. Tɔ, ka ti yi nyɛ la Naawunni biisi, ti laa n‑nyɛ la u faari dittiba. Ti nin di faari Naawunni saani, halli tin ni Kirisita nin la'am n‑di ka. Tin ni ŋɔn yi siri ti la'am n‑di u wahala, dinŋɔna ti ya la'amni n‑nya u gyirima gba.

Duniya wa ni ningbinkɔrisi teesa kur zaŋŋi la Naawunni dimni; a bu sakkri n‑tiri Naawunni zaaligu - ka mun pun ku toaai n‑sakki lala.

Dama Naawunni daa naam duniya zaa, ka ka na bɛ ni n‑guusiri sahanseaa ŋɔn ya yiisi u biisi paalu ni na maa.

Dama ti mi halli, ni, duniya wa zaa nyuusiri ni ka diri la wahala hoo pɔ'asɔ ŋɔn bɛ dɔ'am wahala maa ni ŋɔn nyuusiri seem la. Ka di bɛ la lala halli ni zuna.