Popular Bible Verses from ROOM DIMA 10

Share

Ni, ‘ya nɔya’, dama i yaari la i noori n‑sakki, ni, Yisa nyɛ la i Dugma; ni, ‘ya sufu’, dama i niŋni i sufu ni yɛdda, ni, Naawunni daa neaai Yisa kum ni. Ka anŋɔ abayi zaa zugu ka ya nin nya tuliginsim.

Dama nira niŋni yɛdda u sufu ni, ka di zugu Naawunni deaai u, ni, yɛlimaŋni daana. Ka u laa n‑yaai u noori n‑sakki n‑wulisi paalu ni, ka nya tuliginsim di zugu.

Dinŋɔna yɛdda niŋbu yiiri la mooligu maa wumpu ni, ka mooligu wumpu mun yiiri la Kirisita yɛligu ni.

Dama di sɔbi n‑dooli, ni, “Ŋɔn niŋi u yɛdda la muna - ŋɔna n ku di vi halli beela.” Kpa wa ka wɔligri ka ni - Yɛhudiyadima ku bɛ ba kɔkɔa ka kyɛ Griika dima. Naawunni nyɛ la ba zaa Dugma, ka ŋɔn mun zaŋŋi bunsunseelli kam n‑tiri baseeba ban mi u yuuri n‑susiri u maa. Ni, “Ŋɔnkam mi ti Dugma yuuri ka susiri u la nin nya tuliginsim.”

Ban moonni maa muna - ba ku toaai m‑mooli, see ka sɔ yi tum ba ni ba ti niŋi lala. Hoo din sɔbi n‑dooli seem la, ni, “Di kur niŋni i la nya'asim ni i ti nya seeba ban mari lahabasuŋŋu maa n‑kyɛnni na.”

Tɔ, ka dinŋɔna ba ya niŋi la wula n‑toaai n‑susiri u, ka bu daŋŋi n‑niŋi u yɛdda? Bee, ba ya niŋi la wula n‑toaai n‑niŋi u yɛdda, ka na bu wum u yɛla? Ka ba ya niŋi la wula n‑toaai n‑wum u yɛla, ka di pa la sɔ pun mooli u lahabaari maa n‑ti ba?

Kirisita Masiiya nyɛ la zaaligu la gbinni, ni kan wa saala gba. U kyɛ ka seeba ban niŋi u yɛdda maa zaa yi paalu ni, ni, yɛlimaŋni dima.