Popular Bible Verses from GALƐSEAA DIMA 6

Share

Dizugu ti di kyɛ ka ti gyɛ tunsuma tumpu zugu; ka ti yi bu kyɛ tuma maa m‑basi, saha kyɛnni na ka ti nin nya ti antaam.

Ka dinzugu, soori ŋɔn kur yoaai n‑ti ti maa zugu, faasee ka ti tumni suŋŋa n‑tiri sɔkam zaa, ka di mun di tam la ti yiri dima maa ban nyɛ yɛdda niŋniba la.

Ya suŋŋma n‑zi taaba zitibsa, ka ya yi tumni lala, ya nin dɔlisi Kirisita Masiiya zaaligudima zaa.

Yan di yɔmsiri ya mammansi, ka Naawunni pa la ban niŋni sɔ ansarisi; ka nira yi buri bunseela, ana ka u nin ti kyɛa.

Sɔ yi buri ningbina kɔrisi beesigu bumbura, u nin ti nya sa'aŋŋu antaam di zugu; u mun yi buri la Siiya Kasi bumbura, lala nin kyɛ ka u ti nya nyɔvuriseaa kan ka naari.

M mabiisi, sɔ yi tumni taalli ka ya baŋŋi lala, see ka yarima ban mari Siiya Kasi maa nin zaŋŋi u n‑zaali n‑wulisi u din tu; amaa faasee ka ya niŋi lala maa baalimm baalimm. Nyin gɔsim i mammaŋŋa suŋŋa, din nin kyɛ ka nyin gba di kpɛ zamsigu puuni.

Sɔ yi teesi, ni, u nyɛ la bunseelli ka mun siri pa bunseelli, di daama kur yɔmsiri la u mammaŋŋa. Kyɛ ka sɔkam zaa zamsi m‑baŋŋi u mammaŋŋa tuma an nyɛ seem; an dee n‑yi nyɛ la bunsuma, dinŋɔna u nin toaai n‑nyu bara di zugu: ka mun ku zaŋŋi u yɛla n‑ŋmamsi u taraansɔ gba ŋɔn tum seela. Dama sɔkam zaa ziiri la u mammantoori ziiri.