Popular Bible Verses from I KƆRINTI DIMA 6

Share

Bee, ya bu mi, ni, ya ningbina maa nyɛ la Sii Kasi gbeebu ziiya? - u Gyeeŋŋu Duu. Dama ya daa deaai Sii Kasi maa Naawunni nuu ni, ka u bɛ la ya saani. Ya bu su ya maŋtoori yɛla; ay! - ba daa da ya ni. Dizugu ya zaŋŋma ya ningbina n‑tiri Naawunni gyirima.

Ammi, ya bu mi, ni, ban tumni taalli la ku nya Naawunni naam maa? Yan di yɔmsi ya mansi: see ka ya baŋŋi, ni, zina dima ku nya Naawunni naam, ka ba'amaanniba gba ku nya, bee gyɛ'amiru dima ni dɔppa ban tumni lala, bee ban zaŋŋni ba dɔtaaba n‑doontira; ni na'ayigsi, ni beem dima, ni danyuuriba, ni minaafigsi, ni ban yɔmsiri niriba - banŋɔ sɔsɔ ku nya Naawunni naam; ba nuu ka lala faari maa yɛla ni, halli beela.

Ya zɔma n‑yi zina tuma ni; dama tumbeeri zaa pa la nira ningbiŋŋu puuni yɛttɔ'a, na'ala zina tuma nyɛ lala; amaa ŋɔn niŋi zina tuma zaa niŋni lala tumbeeri u toori ningbiŋŋu ni.

Ni, ‘M mari la seelikam yiiko.’ - tɔ, amaa pa seelikam zaa m paasiri suŋŋsim. Ni, ‘M mari la seelikam yiiko’ - tɔ, amaa di kyɛ ka seelikam zaa nyaŋŋi ma.

Naawunni yiiko ka u daa zaŋŋi n‑yisigi ti Dugma kum ni, ka u nin yisigi ti gba lala.