Popular Bible Verses from Joon 21

Share

Batien naa athum gene ke cam, e Jeacuu Piihter apeehnye peehnyo kobe, “Cimoane waahd Joon! A anhyaari ne cohg ukaale kaa nhyaar yaa ni an ne?” Maa abeehr Piihtere ngo kobe, “Ayiihi Ruohdh! Keehd yihn e ngo ngahyi kejea yih anhyaara.” Maa akoohb Jeacuue kea, “Kwaag roohme giiha noono.” Maa acahge piehj kea, “Cimoane waahd Joon, a anhyaari ne cohg ukaale wiih kaa anhyaar yaa ni an ne?” E ngo acahg Piihtere ke beehro kea, “Ayiihi ruohdh! Keehd yihn e ngo ngahyi kejea yih anhyaara.” Maa akoohb Jeacuue kea, “Kwaag roohme giiha noono.” Maa acahge piehj kea, “Cimoane waahd Joon, a anhyaari ne cohg ukaale wiih kaa anhyaar yaa ni an ne?” E Piihter cwihnye arahnyo ke nying gihn apeehnye tiel adahg ke piehj acielo, e ber, “A anhyaari ne cohg ukaale wiih kaa anhyaar yaa ni an ne?” E arobe yihr ngo kea, “Ruohdh! Yih ne ngahy giih nyepinye cang. Kedea ngo ngahyi kejea yih nhyaara nhyaaro.” Maa akoohb Jeacuue kea, “Kwaag roohme giiha noono.

Athiir e ne roba yihri, ge anaa apoohde e yih beehda rihj ni kwaad gihri ne pari e ne na tiihyi cog. Yih ungahbo kedea uci kwaad ka daahdi. Abea ge doongi, e baahdi ge utihngi maalo kedea nyoge yih utuohj gene ukedh gene yihn ka me cwihnyi toor cidh yea.”

Maa akoohbe kea, “Kea thoohru booy gihru ukwiihy baabuur, nea wu buu umaah ke rej.” Noono ge anaa athoohr gene booy, e ngo kuu arom gene ke teehl yi baabuur bang gihn booy ane kahn kahn ke rej.

Kaano e Cimoane Piihter ake rubo kea, “A caa ne maay.” Maa akoohb gene, “Wa ucidho tiehd ke yihn ne maay.” Noono maa atihng gene rog gen uyedh gene yi baabuur ne maay. Ge abuohj ke waahr ke maay duug abea reehyo maa amag gene tooro.