Popular Bible Verses from Ashlish 8

Share

As tra v’eh er vosley yn chiaghtoo seal, cha row fockle dy chlashtyn ayns niau mysh lieh oor.

Heid y chied ainle, as haink claghyn‐sniaghtee as ainle lesh fuill ny chione, as v’ad er nyn gheayrtey er y thalloo: as va’n trass ayrn jeh ny biljyn losht, as va ooilley yn faiyr glass losht.

As yeeagh mee, as cheayll mee ainle getlagh trooid mean niau, gra lesh ard choraa, Smerg, smerg, smerg da cummaltee ny hooirey, er coontey feiyr cayrnyn elley ny three ainleyn ta foast ry‐hoï sheidey.

As heid yn nah ainle, as va myr dy beagh slieu mooar lostey lesh aile tilgit ’syn aarkey; as haink y trass ayrn jeh’n aarkey dy ve fuill

As heid y trass ainle, as huitt rollage vooar veih niau, lostey myr dy beagh eh lamp, as huitt eh er y trass ayrn jeh ny awinyn, as er farraneyn ny hushtaghyn: As ta ennym y rollage enmyssit Ullymar: as haink y trass ayrn jeh ny ushtaghyn dy ve myr ullymar; as hooar ymmodee sleih baase liorish ny ushtaghyn, er‐yn‐oyr dy row ad sharroo.

As heid y chiarroo ainle, as va’n trass ayrn jeh’n ghrian dorraghys, as y trass ayrn jeh’n eayst, as y trass ayrn jeh ny rollageyn; ayns wheesh as dy row yn trass ayrn jeu fo dorraghys, as cha daink y laa rish son y trass ayrn jeh, as yn oie myrgeddin.