Popular Bible Verses from Galatianee 5

Share

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys, Meenid, sheeltys: noi nyn lheid cha vel leigh erbee.

Shoh ta mee gra eisht, Ymmyrk‐jee shiu hene lurg y Spyrryd, as cha jean shiu cooilleeney sayntyn ny foalley.

My ta shin beaghey ayns y Spyrryd, lhig dooin myrgeddin gimmeeaght ayns y Spyrryd.

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Nish ta obbraghyn yn eill cronnal, as shoh ad, Brishey‐poosey, maarderys, neu‐ghlennid, rouanys, Ammys da jallooyn, obbeeys, dwoaie, anvea, goanlys, jymmoose, streeu, irree‐magh, shaghrynys veih’n chredjue, Troo, dunverys, meshtyrys, glutteraght, as y lheid: my‐nyn‐gione ta mee ginsh diu ro‐laue, myr ta mee myrgeddin er n’insh diu ayns y traa t’er n’gholl shaghey, nagh vow adsyn ta cur rish lheid ny reddyn, reeriaght Yee ayns eiraght.

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Son ta’n eill geearree noi’n Spyrryd, as yn Spyrryd noi’n eill: as t’ad shoh soit yn derrey yeh noi’n jeh elley: myr shen nagh vel shiu jannoo myr bailliu.

Son ta’n slane leigh cooilleenit ’syn un raa shoh, ta shen, Ver oo graih da dty naboo myr dhyt hene.

Ny lhig dooin geearree gloyr fardalagh, brasnaghey yn derrey yeh yn jeh elley, troo yn derrey yeh mysh y jeh elley.

Shass‐jee shickyr er‐y‐fa shen ’sy reamys ta Creest er chosney dooin, as ny bee‐jee kianlt reesht fo’n whing dy vondiaght.