Popular Bible Verses from 1 Corinthianee 12

Share

Agh ta soilshey yn Spyrryd er ny choyrt da dy chooilley ghooinney son vondeish ennagh.

Agh nish ta shiuish corp Chreest, as oltyn er‐lheh.

Son edyr un olt dy hurranse, ta ooilley ny oltyn surranse mârish: ny un olt dy v’er ny choamrey lesh onnor, ta ooilley ny oltyn goaill boggey mârish.

Son da fer ta er ny choyrt liorish y Spyrryd, yn goo dy chreenaght; da fer elley yn goo dy hushtey liorish y Spyrryd cheddin; Da fer elley credjue liorish y Spyrryd cheddin; da fer elley ny giootyn dy lheihys liorish y Spyrryd cheddin; Da fer elley dy obbraghey mirrillyn; da fer elley phadeyrys; da fer elley yn briwnys dy phrowal ny spyrrydyn; da fer elley caghlaaghyn dy ghlaraghyn; da fer elley dy chur bun er glaraghyn.

Agh ad shoh ooilley ta’n un as yn eer Spyrryd cheddin gobbraghey, rheynn er dy chooilley ghooinney er‐lheh myr saillish hene.

Nagh beagh scarrey erbee ayns y chorp: agh dy beagh ec ooilley ny oltyn yn chiarail cheddin yn derrey yeh son y jeh elley.

Nish ta ayn caghlaaghyn dy ghiootyn, agh y Spyrryd cheddin. As ta caghlaaghyn dy oikyn ayn, agh y Chiarn cheddin. As ta ayn caghlaaghyn dy obbraghyn mirrillagh, agh she’n Jee cheddin ta gobbraghey ooilley ayns ooilley.

As ta Jee er hoiaghey paart ayns yn agglish, hoshiaght ostyllyn, ’sy nah ynnyd phadeyryn, ’sy trass ynnyd fir‐ynsee, lurg shen mirrillyn, eisht giootyn dy lheihys, fir‐choonee, reilltee, caghlaaghyn dy ghlare.

Son cha vel y corp un olt, agh ymmodee.

Ny sodjey na shoh, ta ny oltyn shen jeh’n chorp, s’meilley ta shin coontey jeu, foast ymmyrchagh.

Dy beagh yn slane corp ny hooill, cre’n raad veagh y clashtyn? as dy beagh yn slane corp ny clashtyn, cre’n raad veagh y soaral? Agh nish ta Jee er hoiaghey ny oltyn, dagh unnane oc ayns y chorp, myr s’gooidsave lesh hene. As dy beagh ad oilley un olt, cre veagh y corp?