Popular Bible Verses from Mak 13

Share

Baacɔ bekime ká bɔ́ banɔ́ líŋekine aámɛ a asana, mbá asana ɔ́mɔtɛ́, ɔɔcɔ ewú u kéé yééhíkínyínyi muuyé ɔ ɔkɔɔ́háma a nyɛmana, Bandɔ́mɛsɛ́ kéé wuúci nohi. »

Énu bíkékényíki, nɔtɛ hɛ́táka hiiné, anyía nu ti ŋé nú menyi ekúlú ayɛ́ bɛsana eébí káá bɛ́kɛ́láka.

Ekúlú ayɛ́ bá káá banɔ́ fíimbieke né bekélísi bɛsana, nɔtɛ caŋá ɔbɛ́ákákɛ́na a bɛsana abɛ́ nu ká nɔ́ kɔ́ɔnaka. Mbá, ekúlú eéyé, ánɔ táŋáka bɛsana abɛ́ Bandɔ́mɛsɛ́ káá banɔ́ hákɛ́na e nyuúté. Tɛ́ cáŋa banɔ́ nu ká nɔ́ táŋáka, mbá *Efúúménénú yí Elilé yɛ́ káá táŋáka náánɔ́.

Na ɔmuaná na ɔmɛsɛ́ káá mána, mbá taaká cɛ́ bíámɛ bɛsana tɛ káá mána ta buɔ́sɛ́. »

« Yááŋa anyía, ta ɔɔcɔ ti ŋeé menyi ekúlú eéyé, ta buɔ́sɛ́, te onjéŋí ; te hú *bililé bɛ́ masɔ́ma bɛ́ Bandɔ́mɛsɛ́, ta hú Ɔɔ́nɔ́ u Bandɔ́mɛsɛ́, mbá hú ciamɛ Síkíne bímuócí u ŋe menyi.

Ekúlú ayɛ́ nu ká nɔ́ lɔ́kɔ́máka bá kɔ́ɔnaka anyía mɔnɔŋɔ ŋaá nua biité meéme ne meéme, ta anyía nɔ lɛcaka baacɔ ɔ́ɔ́nɔ́kɔ́nɔ e biité, nuti líkíméke ananyía bɛsana eébí ŋá nyɛmána bɛ́ ɔbɛ́kɛ́láka. Mbá tɛ́ cáŋa hí e ekúlú eéyé ɔmɛsɛ́ káá mána.

Nɔtɛ hɛ́táka hiiné aná, anyía nu ti ŋé nú menyi ekúlú eyí muútí ooki ká ka hálɔ́mɔ́na, nanyiɔ́fɔ́ ayɛ́ʼ na ɛ ɛkatɛ́katɛ́ ci butúé e ? A bɛaka bɛ́ ɛkɔkɛ́ ayɛ́ʼ nɔɔ́nɔyá e ? Énu bíkékényíki anyía u tɛ banɔ́ kuána e hiiné, mbɔ́kɔ ú ŋgaá hálɔ́mɔ́na hú huasɛ ! Asana eeye ayɛ́ ɛ́ ŋa mɛ́ banɔ́ láana ŋa lɛ́ca baacɔ bekime : Nɔtɛ hɛ́táka hiiné. »

Baacɔ bá bunɔŋɔ a búmɔtɛ́ ká bɔ́ támbána biité na baacɔ bá bunɔŋɔ bú etémbí ; butéŋí a búmɔtɛ́ kɔ́ɔ́ tɔ́kɔ butéŋí bú etémbí ; ɛmɛsɛ́ bínyíékínyi bɛhaála bɛhaála ; mecíli káá bá tɔ́na meéŋí. Bɛsana eébí káá bá bɛsana bí nyitúme nyɛ́ ɔbɛ́nyíá mɔɔhɔ.

Bá ŋá nyɛmána ɔcaŋácáŋa ohulikinyi baacɔ bá mɔnɔŋɔ mekime Ambányɛ yɛ́ Ɛsɔ́ma.

Yááŋa anyía baacɔ beéŋí ká bɔ́ fáakɔna eémi eé nyiínyi, hú náányɛ́ u kɔɔnaka ɔsɛ : “Yaŋɔ́, ya mɛ́ŋa Mesíi”. Bé ké bú néŋéke baacɔ beéŋí.

Mbá banɔ́, énu bíkékényíki. Baacɔ káá banɔ́ fíimbieke né bekélísi bɛsana, bá banɔ́ súbéke ne mesue a *bɛndaŋía bɛ́ ɔbɛ́cɔ́kɔ́lɛ́na bí *Besuif. Nu ká nɔ́ tálɛ́mákɛ́na a nyɛkála eé buúse bú bekélísi ne e betíkítíki na a *baáŋá áyá aámɛ a asana, anyía nuánɔ́ hakɛ́na ɛmbasɔ́ eebú eé buúse.

Yááŋa anyía, ne bemesíi bá bɛfala ne *behémúnyi bɛsana bá bɛfala ká bɔ́ hámɔ́kɔ́na, bé tóŋgínyi tubílícínyínyí, bá kɛ́laka *bikéki bɛ́ bɛsana anyía bébú néŋéke eebe abá Bandɔ́mɛsɛ́ ŋɔ lɔ́tɔ́kɔ, ɔ́kɔ yááŋa yɛ́ ɔbá aáná.

« Ɔ mɔɔ́sɛ́ etéemé, e elime ci muuyé eémú, ɔɔ́cɔ́ kéé nyíme, oólí tɛ háná nɔ́ma, tunjoti tɔ́ ɛŋɔ́lɔ́muaná káá kúákɔnaka ; bɛnyɛ́ma bɛ́ makɛ́nda a bɛ́áŋa ɛ ɛŋɔ́lɔ́muaná kéé bínyíékinyi.