Popular Bible Verses from 1Kɔ 1

Share

Mbá Bandɔ́mɛsɛ́ ŋaá bɛ́kɛ́lákɛ́na bɛsana abɛ́ baacɔ ŋa bɔ́ lɛca anyía bɛ́áŋa tuálaála tɔ́ bɛsana o otémbúnyísi injiŋé cɛ baacɔ bá ɔmɛsɛ́, yɔ́ bɛ́kɛ́lákɛ́na tɔ́na bɛsana bɛ́ ɔmɛsɛ́ abɛ́ baacɔ ŋa bɔ́ lɛca anyía bɛ́áŋa na butɔmbɔ́ o otémbúnyísíki eebi a bɛ́áŋa na makɛ́nda.

Yááŋa anyíaʼo, nyihulinyi baacɔ asana yí owé ú *Kilís ɔ ɔmbásá ɔ ɔmuaná áŋa háyɛ asana yɛ́ buála a baacɔ a bá bɔ́ŋa o ohónyí wú bunyímé, mbá a basɔ́ abá tua sɔ́ŋa o ohónyí wú nyɛnɔhɔ, ú ŋaá basɔ́ cíbúníne makɛ́nda ma Bandɔ́mɛsɛ́.

ananyía asana ayɛ́ baacɔ bá ɔmɛsɛ́ ŋa bɔ́ lɛca háyɛ yaála yí injiŋé yɛ́ Bandɔ́mɛsɛ́ áŋa ne injiŋé a cɛ́ á hɔ́la omenyi ú baacɔ ; híáná tɔ́na asana ayɛ́ bá ŋa bɔ́ lɛca háyɛ bɔnɔ́nɔ́ bɔ́ Bandɔ́mɛsɛ́ ŋaá kɛ́nda ɔ ɔhɔla makɛ́nda ma baacɔ.

Bandɔ́mɛsɛ́ u ŋaá banɔ́ lɔ́ŋɔ́kɔ́ anyía núánɔ́ bámɔ́kɔ́na e nyimónjóló ne uuyé Ɔɔ́nɔ́ Yésus Kilís, uusú Otéŋí a Waáŋá. Wáŋa ooci ewú u ŋé nyíóyísínyi cááyɛ́ esúŋe ekime.

Isíʼo, banɔ́ báámɛ benyíinyí, ɛ ŋa mɛ́ aamba ɔ banɔ́ láana a makɛ́nda me uusú Otéŋí a Waáŋá Yésus *Kilís anyíaʼo : Cɔ́kɔ́lɛ, ánɔ bámɔ́kɔ́na nyuúté nyɛ́mɔtɛ́ ; nuti lumítíne anyía eetíé á banɔ́ sálɔ́tɔ́kɔ́na ; mbá ánɔ bámɔ́kɔ́na balatákánɔ́ e nyimónjóló bɔmbányɛ bɔmbányɛ, na a nyɛánɔ́ nyɛbɛ́táá, na a bɛsana abɛ́ nu ŋa nɔ́ tákɛ́na ɔkɛla.

Onjiŋénjíŋe weényi aná e ? Háányɛ́ *muékúnyi bikotí áŋa e ? Ta anyía musuŋunyi bɛsana mɔ hɛɛya eehi e ? Aá taaká, Bandɔ́mɛsɛ́ áŋa otóŋgínyínyi baacɔ anyía injiŋé cɛ baacɔ bá ɔmɛsɛ́ áŋa injiŋé cɛ buála.