Popular Bible Verses from KƎLƎKƎ KATE 7

Share

Lǝ nyamfo eto kamaa, ńyǝ sitiditu kplɛ ditsyuǝ nǝ eto betidi kuutsyuǝ lembofo bokla! Betsyi kasɔ saa, ese saa, bele tɛyi tɛyi saa, betidi betidi saa eto okle, nya bǝnyǝ lǝ lekankpomɛ nǝmǝ ku Lesamubi nǝmǝ eto ǝnǝmi, nya bankpe awuflubia, nya banlɛ bekabe lǝ ani.

Nya báfa ku ɔkɔɛ bembembe bátɛyi bǝnkǝ, “Bofokǝtǝ etsyi Boanto Onanto wǝ nsi lǝ lekankpomɛ ǝsuǝ ku Lesamubi nǝmǝ ɔflɔ!”

Itsyise Lesamubi nǝ nkpe lǝ lekankpomɛ nǝmǝ eto ntinti mfóo, ebɔlɛ mǝ ola, obe mǝ. Wookpa mǝ ɔyɛnko usuko kaka nkpǝ eto ntu bo laayifǝ lefe saa nkpe. Nya Onanto tsya lɔɔsi mǝ binǝntu saa lǝ ǝnǝmi.”

Nyasoo, bǝǝńyǝ lǝ Onanto eto lekakpomɛ nǝmǝ eto ǝnǝmi kesumu wǝ ketsye ku kakɔmi lǝ wǝ Disumuyo. Itsyise nwǝ nsi lǝ lekankpomɛ nǝmǝ ǝsuǝ ebota mǝ disi lǝ wǝ ǝnǝmi. Kukpɛnsɛ nye utukuɛ esi ǝmbɔlɛ mǝ kulefe. Nya kofe nye utefofo saa ensiembufi mǝ.

nya ɔ́tɛyi nkǝ, “Bienyifo lesafimfi kasɔ, lekpo nye eyi saa, isu eyo lefe nǝ buufi sitǝ eto etinsa butsyǝ Onanto eto beyifoyifo eto nto lekpo.” Nya bátɛyi mɛ bǝnkǝ betidi ba béfi Onanto eto sitǝ eto etinsa bǝtsyǝ lekpo lǝ mǝ nto eto leklabi ebuyifo betidi akpi kolofa awosi ana ana (144,000). Betidi bamfo étsyi Israel eto lefosi mfo nuǝ kafo.