Popular Bible Verses from KƎLƎKƎ KATE 13

Share

Ditiki nǝmfo atɔ itǝ kobetete. Utsyuǝ saa wǝ laanɔ asa kasɔ bu ubutubuki bua eto leklabi nǝmfo obe. Itsyise leklambi nǝmfo ńyǝ ditǝ utidi eto diye. Ni leklabi ni alofa akua awosi akua akua (666).

Nya betidi ba kenke nsi lǝ kasɔ mfo ebusumu wǝ enso betidi ba hã eto aye báwɔni fɛ béyifo kawunsiǝ bákpe lǝ nkpǝ eto kukue ko ni Lesamubi nǝ bálo eto bale.

Ubutubuki ǝmǝ ǝtǝ nkǝ bǝtǝkǝ betidi ba kenke, betidi wuewue ku beninǝ, batabinyǝ ku bakombo, ndomufɔ ku mba nsi lǝ mǝ ǝsuǝ ǝsuǝ leba lǝ mǝ kodiani lee lǝ mǝ nto. Kuutsyuǝ saa embofo lesa bote lee oya lǝ bǝntǝkǝ wǝ leba nǝmfo, ini ubutubuki bua ǝmǝ eto diye nye leklabi nǝ nyǝ itǝ wǝ diye.

Utidi wǝ ele bǝ bǝmuǝ, boomuǝ wǝ. Nya nwǝ tsya ele bǝ balo ku lesiabi tsyaa, ele bǝ balo wǝ nko. Nyamfo esoo, mi Onanto eto betidi, ele bǝ bińyǝ kekleke lǝ kanyinyǝnyǝ ǝsuǝ nya lǝ bidi ɔnukualɛ bitǝ wǝ.

Nyamfo eto kamaa, nnyǝ ubutubuki utsyuǝ nlɛ bɔbɔ ketsyi lekpo kǝmiǝ. Okpe esi akuanse ku aakpɛ lefosi. Lɛɛkpɛ saa tsyi lekankpakpa. Nya báwɔni mbusiotiki nnya ńyǝ lǝ Onanto ǝsuǝ bǝtǝkǝ lǝ wǝ disi saa ǝsuǝ.

Bǝtǝ wǝ kusu bǝ ɔkpɔnko Onanto eto betidi lǝ utǝkǝ mǝ kato, nya besi bǝtǝ wǝ ǝsuǝale lǝ ese saa ese, betidi saa betidi, bele saa bele ku kafo saa kafo ǝsuǝ.

Ɔ́wɛ betidi ba kenke nsi lǝ kasɔ lǝ ayanisa nnya bǝtǝ wǝ kusu bǝ uyifo lǝ ubutubuki tutɛ eto ǝnǝmi eso. Ubuki ǝmǝ átɛyi kawunsiǝ eto betidi nkǝ bato ubutubuki bua wǝ eto disi bǝtǝkǝ lefabe ku lesiabi fɛ ɔkɛ nkpǝ eto ditsyǝbi lǝ befi bakpe wǝ dibu. Bǝtǝ bǝ ubutubuki bua nuǝfǝ ǝmǝ nkpe ǝsuǝale mfoo, wɔnɔ nkpǝ okpo lǝ ubukitonto tutɛ ǝmǝ ǝsuǝ bǝ lǝ ofo etiki budi nya lǝ utǝ lǝ balo betidi ba kenke lembusumu wǝ.

Ubutubuki ǝmǝ ale ɔkplɛle, nya wǝ akpa te fe ukiti eto ale, nya wǝ kɛnyɛ te fe tsyata eto kale. Owa kplɛ ǝmǝ éfi wǝ kosate eto ǝsuǝale, wǝ lekankpomɛ ku wǝ sekadidi eto ǝsuǝale kplɛ nyamǝ útǝ ubuki ǝmfo.

Bǝtǝ ubutubuki ǝmǝ ǝsuǝale údi emutiki nya lǝ Onanto ǝsuǝ, nya ditǝ únyǝ ǝsuǝale itǝ afa fosi ana afa ǝnuǝ.

Ubutubuki ǝmǝ eto disi lɔni te fenkǝ léfo dikpemfabe kekleke ditsyuǝ, fɛɛ lefabe nǝmǝ ébukpe. Nyamfo éyifo kawunsiǝ eto betidi kenke naa, nya bǝtǝkǝko ubutubuki ǝmǝ kama.

Mfo minsi mínyǝ ubutubuki bua bamba wǝ lɛbɔ utsyi kasɔ. Ukǝ aakpɛ ǝnuǝ lǝ disi fe lekposubi eto ale, fɛɛ údi etiki fe owa kplɛ ǝmǝ seka. Ófo ǝsuǝale kplɛ nnya nkpe wǝ utsyiko lǝ ututɛ ǝmǝ ɔflɔ, nya úyifo nnya keyifo lǝ wǝ ǝnǝmi. Útǝ nkǝ betidi ba nsi kasɔ mfo ku ke betidi kenke lǝ besumu ubutubuki bua tutɛ ǝmǝ wǝ bǝtǝkǝ dikpemfabe kekleke fɛ díkǝkpǝ.