Popular Bible Verses from KƎLƎKƎ KATE 11

Share

Lǝ nnya kamaa, Onanto eto ɔtɔnkpe kuansele éfe wǝ kakpatsyaku, nya mínɔ kakɔɛ bembembe lǝ kato ka nlɛ bɔtɛyi nkǝ, “Kawunsiǝ kamfo eto sekakedikɔ áfiani Boanto Onanto ku Wǝ Nwǝ Bákpo Ɔhile Bǝtsyǝ eto kale, nya wuudi seka idu manlo isu manlo!”

Kafo ányi betidi ba dímamfo fǝ bánɔ. Lefe nǝ ele bǝ lǝkǝ fǝ lɛblɔfi ate eboyo. Lefe nǝ ele bǝ bakponko bekpenkpe lekpo eboyo. Lefe nǝmǝ eboyo bǝ lǝ afo fǝ bǝnyɛlǝkǝtidi ba ni fǝ beyifoyifo, bamǝ kayo sɛɛ, ku fǝ betidi kenke ba nkpe dibu itǝ fǝ, bakplɛnyǝ ku betidi wuewue ta kenke. Nya lefe eboyo bǝ lǝ atsyɔlɔsǝ betidi bua ba lélo fǝ betidi lǝ kawunsiǝ.”

Mootsyese mɔ badansiɛ inuǝ ba lɔɔkɛ lǝ nkumfia ǝsuǝ babé mɔ Ditiki Sɛɛ nǝmǝ letsya itǝ eyi kɔkpi alofa ǝnuǝ awosi akua (1,260) nyamfó.”

Lǝ eyi ǝtsyǝ ku kutsyǝ kama, ufiebi wǝ lǝǝtǝ nkpǝ ditsyi Onanto ɔflɔ ǝbǝ údufǝ lǝ mǝ nya bátaka bǝńyǝ bǝbǝ nkpǝ! Sikpi ǝmuǝ mba kenke dínyǝ mǝ tinti.

Bakpe ǝsuǝale baafo ɔsɔmi kusu buti bǝ woanni lefe nǝ banlɛ Onanto eto Ditiki Sɛɛ nǝmǝ letsya bobe. Bakpe ǝsuǝale tsya lǝ etubiǝ kenke ǝsuǝ nya bootǝ bǝ ntu bomǝ fiani kɔtɔ. Bakpe ǝsuǝale tsya bǝ kanyinyǝnyǝ ate ate bǝ lǝ kawunsiǝ kenke ǝsuǝ lǝ lefe nǝ kee baala ǝsuǝ.

Bǝnyɛlǝkǝtidi inuǝ bamfo ni nnuǝbi eto eyi ǝnuǝ ku kakandiɛyi inuǝ nnya ńyǝ lǝ kawunsiɛ eto Onamute eto ǝnǝmi nɛ. Lǝ utsyuǝ ala nkǝ weeyifo mǝ kabuaa, ute aabɔ ketsyi lǝ mǝ nnyɛ katsylɔsǝ mǝ. Nyaso utidi wǝ ke laala nkǝ weeyifo mǝ kabuaa, kusu komfo ǝsuǝ bɔɔyɛ balo wǝ nɛ.