Popular Bible Verses from 1 TIMOTEO 3

Share

Onanto eto ditiki kɛnkɛ nǝ bǝlǝkǝ bátee, kpe kalende tinti nya kuutsyuǝ saa ǝmbofo bɔni nko. Nya ni bǝnkǝ, “Bonamute ǝbǝ bale fe kawunsiǝ eto utidi. Lɛwɔnɔ Kɛnkɛ ǝlǝkǝ óte nkǝ uyifo kɛnkɛ. Nya Onanto eto batɔnkpe dínyǝ wǝ. Nya bǝlǝkǝ wǝ báte lǝ kawunsiǝ eto betidi kenke nti. Kawunsiǝ eto betidi kpǝ áfo wǝ bánɔ. Nya Onanto dítsyi wǝ úsuko kato lǝ diyǝnde kplɛ ǝsuǝ.”

Fe bafokanɔfɔ eto ɔtɔnkotɔnkoo, ele bǝ uyifo utidi wǝ bulǝ saa lǝmbǝ lǝ ǝsuǝ, uufi kusiǝ kɔni, uyifo obesibe, ɔkɛ dibusǝ, ɔlɛ ǝsuǝ ola, nya betidi leebu wǝ. Ɔkɛ kafoɛkpɛ kafo bafɔ nya uyifo oteasa sɛɛ.

Ele bǝ uyifo nwǝ laalɛ wǝ diyo eto betidi ola, nya wǝǝtǝ nkǝ wǝ bebi tsyue ditiki koto lǝ kusu saa ǝsuǝ.

Be fǝ, bawunsǝkotsyuǝ bamfo eto utsyuǝ saa fi kusiǝ kɔni kplon, nya woalɛ wǝ bebi ku wǝ diyo eto betidi kenke ola. Nya bawunsǝkotsyuǝ ba nlɛ mǝ keyifo olaa, mǝ kosate ebunyǝ dibu ku kǝńyǝsǝ sɛɛ lǝ betidi eto ǝnǝmi. Nya bɔɔkɛ utu bedi etiki lǝ mǝ bofokanɔ lǝ Yesu Kristo ǝsuǝ kate betidi bamba.