Popular Bible Verses from 1 KORINTOFƆ 15

Share

Nyaso, mɔ bayimi lala, bińyǝ kekleke, biǝntǝ disi. Nya bińyǝ kekleke lǝ Bonamute eto keyifo ǝsuǝ lefe saa. Itsyise biyi biǝ kulesa ǝmbǝ bǝ biuyifo ni lǝ Bonamute Yesu eto keyifo ǝsuǝ ka luuyifo kebimbale.

Fɛɛ boasɔ Onanto ani. Wǝ uni ditǝ nkǝ butǝkǝ lebua kato ɛyɛ lǝ Bonamute Yesu Kristo ǝsuǝ!

Biǝntǝ lǝ bawɛ mi bakpe. Sɛyɛtsyuǝ bua eto betidi aabiasǝ ditsyǝbi sɛɛ eto ole.

Fɛɛ ɛyɛ lǝ Onanto eto lefonǝ esoo, nyifo utidi wǝ mini mmi. Nya wǝ lefonǝ eto asa nnya útǝ mɛ, ǝbǝ kutǝkǝ. Nya mínyifo keyifo kekleke enso batɔnkpe bamba ba ǝsuǝ kulaa betidi dífi ǝnǝmi bǝtǝkǝ nya inni lǝ mɔ ǝsuǝale ǝsuǝ. Bomu lǝ Onanto eto ǝsuǝale nya lɛwunsǝko mɛ mímfo nyamfo buyifo.

Nya báwɔni tsya balɛ bɔtɛyi bǝnkǝ, “O Ukpǝ, sieti fǝ ǝsuǝale nyamǝ nte? Nya se fǝ ǝsuǝale eto obé ǝmǝ faata bo nte?” Ukpǝ ǝǝnyǝ ǝsuǝale nya woata bo obé ɛyɛ lǝ lebuayifoyifo eso. Nya ǝsuǝale nnya lebua lǝǝnyǝ etsyi lǝ kɔfi ǝsuǝ.

Bɛnɔ akulasa nyamfo. Inni bomblɛ kenke luukpǝ. Fɛɛ lǝ bǝfǝ kakpatsyaku fɛfɛɛ, bɔɔtsyi bomblɛ eto ditsyǝbi bawuninsǝ. Nya wuuyifo nnya nko lǝ dinǝmisɔsɔ lɔni kplo ǝsuǝ. Itsyise lǝ kakpatsyaku fɛfɛ ǝfǝǝ, Onanto ebotakasǝ bǝkpǝnkpǝ ɔboko nkpǝ itǝ bensiembukpǝ kulefe. Nya woofloma bo ditsyǝbi kenke.

Itsyise fe kase ukpǝ lɛyɛ lǝ utidi ɔni ǝsuǝ úbǝ kawunsiǝ, nko ke ini bǝ bekpǝnkpǝ ebotaka betsyi ɔkɔmǝ ɛyɛ lǝ utidi ɔni hã ǝsuǝ nɛ. Fe kase betidi kenke ɛyɛ lǝ Adam ǝsuǝ lǝǝkpǝ se beyifo lɔni ku wǝ esoo, nko ke ini tsya bǝ Onanto ebotakasǝ betidi ba díkekpǝ kenke bǝ lǝ bǝbǝ bǝsiǝ nkpǝ ɛyɛ lǝ mǝ lɔniyifoyifo ku Kristo eso.

Itsyise lesa nǝ labiaa, ele bǝ lefloma ku nǝ lambia lǝ dibǝ lefo lǝ nǝ labia eto kɛnyɛ. Nya lesa nǝ lǝǝkpǝ tayaa, woofloma ni lǝ nǝ lǝǝnkpǝ lǝ dibǝ lefo lǝ ni kɛnyɛ.

Itsyise ele bǝ Kristo di seka isu ese lefe nǝ Onanto luufi wǝ balo kenke okpe lǝ Kristo eto akpa kalɔ. Nya olo fɛfɛ wǝ eto ditsyǝbi wɔɔtsylɔsǝ ni ukpǝ.