Popular Bible Verses from Kɔn dɛ̀bɛ́ Zhã nɔ mɔ́ 19

Share

Bànà nə́ fùù ǹdə́ wu-nyɔ̃̀, nə́ cèrhé mo, bə̀ èlâsɛ̃´ wɔ́ Pyì-bwɛ̀lɛ́ y kɛ̃-jú wə́, è kɛ̃ mɔ́ tɛnɛ n zhɛ̀.

Bə̀ yʼà kɛ̃ yil rə̀dù ń kàmə̀-zù-èdɔ̀lɔ̀ w ǹdə́ ń cí rí ni. Bə̀ nʼê byẽ̀ mò bə̀ “Pyâ bɛ́ gakó Pyɔ̌, ǹdə́ Cǐnnə bé gakó Cinu”.

Rə̀myɛ́ kwã nɛ́, a nə dɛ̃̌ yi rí rə̀ pul. A pwírí eshã námpwã̀ è duwə. Mɔ̀bɔ́ ń jě y mó yíl “Zhə̀n cə́bal, lò mɔ̀bɔ́ ń zhǐ ń nà yó”. Ń nə́ ń bùr ń bùrsí cángá; ń búlə́ né ń nə́ ń bwí mú myɛ wɔ́ cángá.

Ń yírhə́ né nʼê yə̂r ǹdə myǐn ta. Ń pú pyɛ̀lɛ̀ yə́-púr nánzhəzhɔ̌. Yil rə̀dù yʼà kɛ̃ rə dɛ̃ mɔ. È gə də̀ ńmyɛ̌ cìcì, lò dõ yə̀l yil lé rə̀myɛ́ yé. Ń yà ń zù kàmə̀-zù-èdɔ̀lɔ̀, ò gakó wɔ́ jal dúdú. Bə̀ nʼê byẽ̀ mò bə̀ “Yi zɔ̀mɛ̀”.

Búlə́ shù ò zhe nyí dɛ̃´dɛ̃´ nʼô shí mɔ̀bɔ́ ń jě eshã y mɔ́ nyú w ò dwi. Ń la zə w n mə n zhìlì tənèsé lyì bí gakó yò. Ń mà n cìní bi ǹdə́ jàn nánkùlù. Ń mà n ce sɛ̃´-cǒ byâ kùlkṍ w kɔ̀bɔ́ bə̀ mʼê wɛ̀rhɛ́ sɛ̃´ mɔ́ mɔ́ wẽ́, n zù n nɔ̀ bɛ̀ ǹdə́ ń nə̀rh. Kùlkṍ w òmyɛ́ nʼô myɛrhɛ Yi jàn-bə-swɛ̃´-zhe cə́bal mɔ́ lyim dí nánfɔ̀lɔ̀ wá.

Sə bə̀ zɔ bǔ-ku w ǹdə́ mɔ̀bɔ́ ǹ yà ń nə́ ń myìnì lyì bí bə̀ ńmyɛ̌ wɔ́ Yi nyì-zwennə mó. Ń yà ń nə́ ń wɛ̀rhɛ́ màmyaarhɛ bǔ-ku w yé né ń mə́ ń yǔr lyì bí byɛ̀bɛ́ ò myɔrhɔ w yʼà wɔ bə̀ yala nɛ, bə̀ nʼê cèrhé ò nyɔrhɔ w bə̀ mɔ mɔ́. Bə zɛ̃̀ bə ji bǔ-ku w ǹdə́ mɔ̀bɔ́ ń nə́ ń myìnì lyì bí bə̀ ńmyɛ̌ wɔ́ Yi nyì-zwennə mó ga púrhú cə́m myǐn mə̀ lɛ̀lɛ̀ tɛ̃´ ǹdə bù-sà ta wẽ́ ǹdə́ bə̀ yírhə́ ga.