Popular Bible Verses from Kɔn dɛ̀bɛ́ Zhã nɔ mɔ́ 16

Share

Cinu zɛ̃̀ n wɔ̀: “Nyǐnə à mʼa bə̀ ǹdə ŋwɔ̀l-bal ta. Sə lò mɔ̀bɔ́ ǹ zɔ ǹ yírhə́ ǹ yə̀ dɛ̀ɛ̀, ń zù ǹ gàndɛ́ ǹ mə́ ǹ zhǐ, ǹ mʼâ yə̀ wu-nyɔ̃̀ cí. Ǹ tá ǹ la zhəl nánlwè yé, e jà lyì bí gə nɔ mɔ́ myɛ, cìzhìl tʼâ la mɔ́ zal yé.”

Màlɛ́kabá bwə̀ldù nyâ y vò e ló è nə̀zhĩ̌ y nyân dɛ́ bwǐ y nánfwɛ̀lɛ̀ y bə̀ nʼê byẽ̀ bə̀ Efəratɛ mɔ́ wẽ́. È nɛ̃̌ mɔ́ ŋwĩ. Èta, pyâ bɛ́ bə̀ nʼê shí yi-pwírhí səta mɔ́ ŋwɛ̀nɛ́ bə lyɛ̃.

Nə̀cílsí sə̀myɛ́ wɔ́ Shətana è twĩ̀ sì. Sə̀ nʼê wɛ̀rhɛ́ wò-jààrɛ̀, sə vò sə nə lũ w pyâ bɛ́ gakó, mùnì ga bə wɛ̀rhɛ́ nyí rə̀dù bə mʼe bú ǹdə́ Yi jàn-bə-swɛ̃´-zhe cə́bal mɔ́ búlə́ né nánfɔ̀lɔ̀ w dɛ̃ rɛ́ yùwə̀.

A zɛ̃̀ a nə nə̀cílsi námməlwâlsɛ sə̀tɔ̀. Èdù shí dɔm mɔ́ nánjə́gɔ́rɔ́ w nyǔ w e du. È dõ mó shí bǔ-ku w nyǔ w e du. È kɛ̀bɛ́ zɛ̃̀ e shí mɔ̀bɔ́ ń nə́ ń gòm kɔma bə̀ ń wɔ́ Yi nyì-zwennə mó nyǔ w e du. Nə̀cílsí sə̀myɛ́ nyɛ̌ ǹdə nyànswəəle ta.

Sə ò mɔ̌r lyì bí dɛ̃´dɛ̃´ ǹdə́ ò lumi rí, bə zɛ̃̀ bə̀ nʼê tùrh Yi rí tɛ̀bɛ́ rə̀ zhe ŋwɔ̀nɔ́ zwini rí yó w mó, bə jʼà bə shɛ̀ bə̀ wun pyìrhú bə yẽ̌ bə̀ lwɛlɛ rɛ́ nɛ sə bə cèrhé Yi yé.

Màlɛ́ka y nã́yə́ə́ y vò e ló è nə̀zhĩ̌ y nyân dɛ́ cɛ y yó. Nyəla námməlwâlsɛ jʼa fwər lyì bí byɛ̀bɛ́ bǔ-ku w myɔrhɔ w ŋwɛ́nɛ́ bə̀ yala nɛ, bə jʼà nʼê cèrhé ò nyɔrhɔ w bə̀ mɔ mɔ́, sə nə̀ yʼà nʼê yì dɛ̃´dɛ̃´.

Nə̀cílsí námməlwâlsɛ́ ce pyâ bɛ́ gakó jòm jàà èdù wẽ́. Bə̀ nʼê byẽ̀ jàà èmyɛ́ ǹdə́ ebərə́ bə̀ Arəməgədɔnɛ.