Popular Bible Verses from Ebərəbá 12

Share

È gə wɔ́ nə́myɛ̌ yilə, Yi-ni-zhú zhə̀n-cínnə nánzhəzhɔ̌ kə́kɛ́lɛ́ nə́ba. Rə̀myɛ́ ce, bànà nə́ yẽ̌ zhĩĩ dwí gakó ǹdə́ yə̀-bəlwàálɛ́ rə̀ nʼê cə̀r nə́ yé ne nàná nàná mɔ́ nɛ, sə nə́ zɛ̃̀ nə́ dùr ywə́l mó bə̀ pɔ nə́ba mə̀ nyí mú ǹdə́ wu-jɔ̀. Nə́ kwẽ̌ nə́ nyǐ Yezu. Wɔ́ ńmyɛ̌ dɛnnɛ nə́ tó né nə́ zhí Yi ni. E jà wɔ́ ńmyɛ̌ ń mà n ce nə́ Yi-ni-zhú mú pyìrh. N shɛ̀nɛ́ n cì də̀-jɔrhɔ́ yó, ń yə̀ cìzhìl nè gá yé, bə̀ ń yà ń yě wu-nyɔ̃̀ w kɔ̀bɔ́ ń yà ń la nɔ mɔ́ yò, sə èlâsɛ̃´, ń jě Yi jə̀jĩ́ ni rə̀ pyɛ̀lɛ̀ rɛ́ də̀gwã́ y yó.

Zhə̀nà, nə́ gə dówə́, bə zɛ̃̀ bə̀ nʼê byili nə́ba nə́ yé, wu-nyɔ̃̀ tɛ̀nɛ́ yé; wɔ́ wu-zhìlù. Sə lò mó mɔ̀bɔ́ ń shɛ̀nɛ́ n pyɛ́nɛ́ ń cìn rə̀myɛ́ yi ní mú, mà n nə yə̀-zùlə́, dóó tʼâ la ń yó w yál yé.

Cenə jàn nɛ́ yə̀-zùlə́ yə̀ ámyɛ̌ ǹdə́ lyì bí gakó bwə̂l wə, sʼá tùntwə̃̀ə̃̀ né yí Yi pùbùlə̀. È gə də̀ rə̀myɛ́, lò lò tá ń la Cinu nɔ ǹdə́ ń yírh yé.

Lyǐrhnə yə̀-bəlwàálɛ́ cìnə́ gə́ wɛ̀rhɛ́ Yezu ní yò. Bə̀ jú zùùrì ǹdə́ mɔ, bə nwɛ̀nɛ̀ mɔ̀, sə ń pyɛ́nɛ́ rə̀myɛ́ gakó wẽ́. Rə̀myɛ́ ce, ámyɛ pyɛ́nɛ́na á cìnə̀, á wun bə̀kʼa gə yé.

Nə́myɛ̌ nɔ tənà kɛ̀bɛ́ è tʼâ zhízhǐ gaga. Rə̀myɛ́ ce, bànà nə́ ce Yi nə̀báná, sə nə́ cèrhé re kɔn yí rə̀ bùlə̀, sə nə́ pə rɛ nə́ cìn námpúm ǹdə́ nyɔ̀mɔ̀

Shɛ̀nɛ́na nɔ̀nɔ̀ w yò, bə̀ rə̀myɛ́ wɔ́ á yé Cinu nə́ ń byili ába. Ń nə́ ń wɛ̀rhɛ́ ába ǹdə ń byâ ta. Wɔ́ byǐ mɔ̌ ń ŋwɛ́nɛ́, ń gə dówə́, ń da tá ń byili mu ń yé?

bə̀ nə́ Yi rí nyɛ̌ ǹdə myǐn mə̀ nʼê jí dɔ́dɔ́ ta.

Nə́ dabá cɛ yó mó yʼa byili nə́ba nə́ yé, sə kɔn tʼâ dɛnɛ yé, ǹdə bə̀myɛ surhə né gə́ mə̂ nɛ́. Sə Yi wɔ́ nə́ cɛ̀nɛ̀ yil, nə́ gə dówə́, rə̀ nʼê byili nə́ba nə́ yé, mùnì nə́ yə̀ náàcɛ̀nà ǹdə rə̀ ta.

Á gə́ nʼá zhɛ̃̀ yə̀-bəlɔ̀lɔ́ w ga, á gwẽ̌ yə̀ w zhɛ̃̀ kɔn bʼe yí á myə̂l jər yé.