Popular Bible Verses from Tùntúmə́ bé 20

Share

À byili ába twéé gakó bə̀ twĩ̌nə èta, mùnì á ŋwɛ̀nɛ́ á sɛ̃ nə̀mwà nɛ̀, sʼá lyǐrh Cinu Yezu cìcì zɔ̀mɛ̀ rɛ́. Ń wòwə̀: ‘Lò mɔ̀bɔ́ ǹ nə́ ǹ pɛ, ǹ wɔ́ wu-nyɔ̃̀ cí du lò mɔ̀bɔ́ bə̀ nʼê pɛ mɔ.’ ”

È gə wɔ́ àmyɛ́ yilə, à gə cù ráá à gə ŋwɛ́nɛ́ myɛ, rə̀myɛ́ də̀ kaka à yil yé, àmyɛ́ wírí a bwə̀l Yi sónó w yò-ècɔ̀nɔ̀ nyí rí a báásɛ; bə̀ wɔ́ rə̀myɛ́ Cinu Yezu pɔ nɛ bʼà twĩ̌.

Ámyɛ̌ cìcì mú dɛ̃̌na á cìnə̀. Yìlìnə̀ lyì bí Eshirhə náàcɛ̀nɛ́ pɔ ába bə̀ yìlìnə̀ mó, ǹdə vwã̌-ènɔ̀n gə́ nə́ ń yìlì ń vwàmá ta, sʼá nyǐ Yi gùlú w lyì bí yò. Yi tó rə̀ cìcì Byǐ mú jal mɔ́ mə̀ ló tɛ̃´ mɔ́ dɛnnɛ rə̀ cǐ bi.

“Èlâsɛ̃´, à nʼâ yẽ̌ ába à ce Yi jɔ̃̀ wà, sə rə̀ sónó zɔ̀mɛ̀ rɛ́ yìlì ába, bə̀ zɔ̀mɛ̀ rɛ́ rə̀myɛ́ wɔ̌ rə̀ bʼa súlí á jàn, rə ce á nə cəl nə̀cɛ̀ndɛ́ tɛ̀bɛ́ Yi cĩ́ rə̀ lyì bí ni mú wẽ́.