Popular Bible Verses from 2 Kɔrɛ̃tɛ 5

Share

Èta, lò mɔ̀bɔ́ ń zù Kristə, ń jǐrh lyì-dùl. Tùntwə̃̀ə̃̀ nándwə́lə́ né jé; e jǐrh tùntwə̃̀ə̃̀ nándùlə̀ nə̀ ŋwɛ́nɛ́.

Kristə yə̀ yə̀-bəlɔ̀lɔ́ wɛ̀rhɛ́ gaga yé, sə Yi zwẽ nə́ yə̀-bəlwàálɛ́ rə cĩ́ ń yó wə, mùnì ga rə tó ń dɛnnɛ rə ce nə́ bə̀kʼá kʼé zə dwə́ə́re yé.

Sə wɔ́ nə́ Yi-ni-zhú mú yil nə́ ŋwɛ́nɛ́, è də̀ nə́ yírhə́ nə̀ nə kɔn yil yé.

Sə rə̀myɛ́ gakó wɔ́ Yi sõ rə̀ nʼê shí ní, rə̀myɛ́ rə̀ kwɛrhɛ nə́ yò ǹdə́ rə̀ cìcì Yezu Kristə jàn yilə, sə rə̀ pɔ nə́ba nyí bə̀ nə́ bwə̂l nə́ byili lyì bí dwã bɛ́ nɛ, bə̀ rə̀ nʼê yâl rə kwɛrhɛ bə̀ yò ǹdə́ rə̀ cìcì. Yi kwɛrhɛ lũ w lyì bí yò ǹdə́ rə̀ cìcì Kristə jàn yilə, rə zə bə̀ dwə́ə́ré rə cɛ̃´ bɛ. Sə rə̀ pɔ rə̀ zɔ̀mɛ̀ rɛ́ nə́myɛ̌ nɛ bə̀ nə́ bwə̂l nə́ byili lyì bí ni, bə̀ rə̀ nʼê yâl rə kwɛrhɛ bə̀ yò ǹdə́ rə̀ cìcì.

Zhə̀n zhə̀nà, nə́myɛ̌ wɔ́ Kristə nyì-zwennə. Wɔ́ Yi rə̀ tó nə́ dɛnnɛ rə̀ nʼê lwə̀l ába dɛ̃´dɛ̃´ Kristə yil lé yilə: yẽ̌nə rə kwɛrhɛ á yò ǹdə́ rə̀ cìcì.

Ń cù lyì bí gakó yilə, mùnì ga byɛ̀bɛ́ bə̀ ŋwɛ́nɛ́ mɔ́ bə̀kʼa kʼe yə̀ nɛ́ bə̀ cìn yil yé, sə bə yə̀ nɛ́ mɔ̀bɔ́ ń cù n ká n bwìrhì bə̀ yil mó yilə. Wɔ́ rə̀myɛ́ è ce, nə́ kʼé tʼá nyǐ lò lò ǹdə́ numbyíní surhə yé. Nə́ gə yʼâ nʼé nyǐ Kristə shãã ga èta myɛ, èlâsɛ̃´, nə́ kʼé tʼá nyǐ mu ǹdə nə́ gə́ yě né yé.

Kristə sónó w cǐ nə́ba, bə̀ nə́ yě pamparɛ̃ɛ̃ bə̀ lò mə̀dù cù lyì bí gakó yilə, sə rə̀myɛ́ nʼê byili bə̀ bə̀ gakó tó mo bə cì.