Popular Bible Verses from 1 Pyɛɛrɛ 1

Share

Bànà nə́ cèrhé nə́ Cinu Yezu Kristə Da Yi rí! Rə̀ nɔ̀nɔ̀-dǔr mó já. Rə̀myɛ́ ce, rə̀ tó Yezu Kristə bùrhù mú dɛnnɛ rə ce bə kwɛrhɛ bə lù nə́ba. Èta, rə̀ ce nə́ rʼé dɛ̃̀ kɔn dɛ́ tɛ̀bɛ́ rə̀ la nə́ba pɔ rə̀ tʼâ cɔ̀ mɔ́. Sə nə́ wun nyɛ̀ nə̀cɛ̀ndɛ́ tɛ̀bɛ́ Yi tɛnɛ rə cĩ́ nə́myɛ̌ byɛ̀bɛ́ nə́ wɔ́ rə̀ lyì ni mú yilə. Nə̀cɛ̀ndɛ́ rə̀myɛ́ wàr rə̀ la cɔ̌, rə̀ wàr rə̀ la jìmdì zal, rə̀ wàr rə̀ la zhɔ̌ myɛ yé. Yi tɛnɛ rɛ rə cĩ́ ába Arəzana wa.

Wɔ́ rə̀myɛ́ è ce á wun nyɛ̀ dɛ̃´dɛ̃´, ǹdʼá yě bə̀ wẽ̀ nánzhəzhɔ̌ bʼa ce á nə wu-zhìlù námpɔ́lɛ́ ga. Wẽ̀ dé rə̀myɛ́ wɔ́ zhẽ́ rə̀ nʼê zhẽ̀ ába, mùnì bə lwar ǹdʼá gə zhí Yi ni kẽkẽ. Sánə́má wɔ̌ mə̀ cɔ̀, sə ǹdə́ rə̀myɛ́ ga, bə̀ yʼa ce mo myǐn w bə nyǐ ǹdə́ mə̀ gə càn. Sə ámyɛ̌ Yi-ni-zhú mú zhe kùr dɛ̃´dɛ̃´ du sánə́má. Wẽ̀ dé gə nʼê zhẽ̀ ába, bə̀ mʼa tó rə̀myɛ́ dɛnnɛ bə lwar ǹdʼá Yi-ni-zhú mú gə wɔ́ kẽkẽ. Èta, Yezu Kristə gə túwə́, á bʼâ tó á nə Yi còrhó w ǹdə́ rə̀ zùwə́ yə́.

Yálna náàcɛ̀nà á tùntwə̃̀ə̃̀ né gakó wẽ́ ǹdə mɔ̀bɔ́ ń byẽ̀ ába mó gə́ wɔ́ náàcɛ̀nɛ́ nɛ́. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə̀ Yi wòwə̀: “Yálna náàcɛ̀nà, bʼàmyɛ́ wɔ́ náàcɛ̀nɛ́.”

Zwẽnə Yi nyí ni, sʼá bə̀kʼá tó shilə námməlwâlsɛ́ sə̀ yʼà ŋwɛ́nɛ́ á wun ní wẽ́ shãã ga, ǹdʼá gwẽ̌ yə̀l Kristə pár mɔ́ nɛ yé.

Rə̀myɛ́ ce, zəna á surhə né nə zhì kẽkẽ, sʼá zə á cìn á mʼá dɛ̃̀ pɛnɛ́ y nánfwɛ̀lɛ̀ y kɛ̀bɛ́ Yi la ába pɔ Yezu Kristə twírí y yù w mú.

Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə wɔ̀: “Numbyíní wɔ́ ǹdə gɔ ta. È zùwə́ y myɛ wɔ́ ǹdə gɔ pùnə́ ta. Gɔ w nʼô kùlə̀, ò pùnə́ né nʼê shìl tɛ̃´, sə Cinu zɔ̀mɛ̀ rɛ́ jʼâ ŋwɛ́nɛ́ byinə nə̀ bə zhɔ̌ zhe yilə.” Zɔ̀mɛ̀ rɛ́ rə̀myɛ́ mɔ́ wɔ́ yò-ècɔ̀nɔ̀ nyí rí bə̀ bwə̀l bə byili ába mó.