Popular Bible Verses from 1 Kɔrɛ̃tɛ 6

Share

Á yə̀l bʼâ yala nɛ́ wɔ́ Eshirhə náàcɛ̀nɛ́ jì nà? Wɔ́ Yi rə̀ pɔ ába rə̀ Eshirhə yə́. È ŋwɛ́nɛ́ á wẽ́. Á bə á cìn cǐ yé. Yi wɛ̀rhɛ́ kɔn nánfɔ̀lɔ̀ rə mʼe zwẽ ába. Rə̀myɛ́ ce, zəna á yala nɛ́ á cèrhé Yi.

Á yə̀l bə̀ byɛ̀bɛ́ bə̀ nʼê wɛ̀rhɛ́ kɔn dɛ̀bɛ́ rə̀ bə mâ, tʼâ la jàà nɔ Yi tənà y wẽ́ nà? Á bə̀kʼá jə́jɛ̀rɛ́ á cìn yé. Byɛ̀bɛ́ bə̀ nʼê fwə̀lə́, ǹdə́ byɛ̀bɛ́ bə̀ nʼê zwə́l vwə̃̀ wẽ̀ tɛ̀bɛ́ rə̀ də̀ Yi yó mó, ǹdə́ byɛ̀bɛ́ bə̀ nʼê wɛ̀rhɛ́ fwə̂l tumə dwí gakó, ǹdə́ byɛ̀bɛ́ bə̀ nʼê zə bə̀ dwã bala bə̀ zwì ǹdə kana ta mɔ́, ǹdə́ ŋwɔ̀là bɛ́, ǹdə́ bəcàncàlà bɛ́, ǹdə́ byɛ̀bɛ́ bə̀ nʼê nywɛ̀ sɛ̃´ dɛ̃´dɛ̃´ kɔn lyɛ̃ cɛ nɛ mɔ́, ǹdə́ byɛ̀bɛ́ bə̀ nʼê tùrh bə̀ dwã bɛ́ mɔ́, ǹdə́ byɛ̀bɛ́ bə̀ nʼê cə̀r bə̀ dwã bɛ́ sɔ́msɛ́ yó bə̀ vwârh bə̀ wẽ̀ dé mó, tʼâ la jàà nɔ Yi tənà y wẽ́ yé.

Dɛ̃̌na á cìnə̀, bə̀kʼá fwə̂l yé. Yə̀-bəlwàálɛ́ dwã bɛ́ tɛ̀bɛ́ lò wɔ̌ ń wɛ̀rhɛ́ mɔ́, tʼâ zhìlì ń yala nɛ́ yò yé. Sə lò mɔ̀bɔ́ ń nə́ ń fwə̀lə́, rə̀-ná-cí wɔ́ ń cìcì yala nɛ́ ń nə́ ń cɔ̀.

Á jàlà nʼá wə̀lə̀: “À zhe sɔ́má à wɔ̌ à wɛ̀rhɛ́ kɔn gakó.” Wɔ́ zhə̀nà. Sə è də̀ rə̀ gakó rə̀ càn á yil yé. À wɔ̌ à wə̀l bʼà zhe sɔ́má à wɔ̌ à wɛ̀rhɛ́ kɔn gakó, sə à tʼâ yâl a yə̀ kɔn də̀ldə̀l yóm yé.

Yi bwìrhì Cinu n zɛ̃̀ n du cùùrì wẽ́. Rə̀myɛ́ ce, rə̀ mʼa bwìrhì nə́myɛ ǹdə́ rə̀ jàn dɛ́.