Popular Bible Verses from 1 Kɔrɛ̃tɛ 15

Share

Rə̀myɛ́ ce, da-byâ nántwə̂rh, zhǐnə á nà y yó kẽkẽ, á bə̀kʼá twẽ̌ yé. Twĩ̌nə Cinu tum dí twéé gakó ǹdə́ yə̀wâl. Á yě bə̀ Cinu tum dí á nʼá twĩ̀ mú tʼâ la nánfò yál yé.

Cenə nə́ ce Yi nə̀báná, bə̀ wɔ́ rə̀myɛ́ rə̀ ce nə́ jí bɛlɛ nə́ Cinu Yezu Kristə jàn yilə.

Dɛ̃̌na á cìnə̀, bə̀ wɔ́ dɔwa námməlwɛ̀lɛ́ ń nə́ ń cɔ̀ yò.

Wɔ́ Yi gə́ wɔ́ sónó cə́bal mɔ́ è ce, à wɔ́ à gə́ wɔ́ nɛ́, sə rə̀ sónó w ò ŋwɛ́nɛ́ ǹdə́ nɛ mɔ́ yə̀ nánfò yàl yé. Àmyɛ́ gaga mɔ́ twĩ̀ du Kristə tùntúmə́ bé gakó. Sə è gə wɔ́ zhə̀n wál yilə, è də̀ àmyɛ́ sə̀pwà jàn à mʼa twĩ̀ yé. Wɔ́ Yi sónó w rə̀ zɔ ǹdə́ nɛ mɔ́.

Cu, yẽ̀ ǹ jàn dɛ́ ŋwɛ́nɛ́? Cu, yẽ̀ ǹ swã̀ y ŋwɛ́nɛ́?” Wɔ́ yə̀-bəlɔ̀lɔ́ ò wɔ́ cu mú swã̀ yá. Sə wɔ́ Muyiisi nyí rí rə̀ wɔ́ yə̀-bəlɔ̀lɔ́ w jàn dɛ́.

À mʼa byili ába kɔn rə̀ kùr lwar zum: nə́ gakó tʼá la cú yé. Lũ zhɔ̌ pɔ́lá y wúl mó yi ní, nə́ gakó bʼâ lyə́r twər rə̀dù sá, ǹdə yírh gə́ yʼa kámsɛ nɛ́. Pɔ́lá y gə tú è wúl, byɛ̀bɛ́ bə̀ cù mú gakó mʼa bwìrhì. Bə̀ yala nɛ́ kʼê tʼâ la bwár yé, sə nə́ gakó bʼâ lyə́r.

Cu mú wɔ́ lò mə̀dù dɛnnɛ mə̀ tó né mə bà. Sə wɔ́ lò mə̀dù jàn yil myɛ cùùrí gakó bʼa tó né rə bwìrhì. Wɔ́ Adəma dɛnnɛ cu mú tó né mə bà, lyì bí gakó nʼê cì. Sə wɔ́ Kristə jàn yil bə̀ gakó bʼa kʼa nə myə̂l.

Wɔ́ nyɔ́ɔ́ bə̀ yala nɛ́ nyɛ̀bɛ́ nə̀ nʼê cì nə̀ bwár mɔ́ bə̀kʼa kʼe cì nə bwár yé.

Sə kɔn wɔ́ nyɔ́ɔ́ bə̀ Kristə jí pyɛ̀lɛ̀ rɛ́, kɔn bʼe yí dɛ̃ rɛ́ tɛ̀bɛ́ Yi la ce n nɔ̀ rə̀ zwə̀ bé gakó ń nə̀rh kùr w mó. Sə zù-bal mɔ́ nánkwaá mɔ́ ń la zhìlù mú, wɔ́ cu.