Popular Bible Verses from 1 Kɔrɛ̃tɛ 13

Share

Sónó cí nə́ ń zhìlì ń yala nɛ. Sónó cí nə́ ń sɛ̃ ń dwã bɛ́ nɛ; ń tá ń dùr bwɛ̃̌ yé. Sónó cí tá ń cèrhé ń cìn yé; ń bə cìn-byilu zhe yé. Sónó cí tá ń twĩ̀ kɔn dɛ̀bɛ́ rə̀ bə mə̂ yé. Sónó cí tá ń pyà ń dúdú sɛ̃ɛ̃´ yé; ń lyim tʼâ zɛ̃̀ làlà yé; ń tá ń cĩ́ yò ń wẽ́ ń mə́ ń jí zùùrì yé.

Sónó cí nə́ ń pɛ sǔbri twéé gakó; ń zhí Yi ni kɔn gakó wẽ́; ń nə́ ń dɛ̃̀ Yi nyì-bwelé y pyǐrh mó kɔn gakó wẽ́; ń nə́ ń zhìlì ń yala nɛ kɔn gakó wẽ́.

Sónó cí wu bə nyɛ̀ lwɛlɛ yil yé; ń wu nyɛ̀ zhə̀n yilə.

Èlâsɛ̃´ wɔ́ wẽ̀ rə̀tɔ̀ rə̀ ŋwɛ́nɛ́: Yi-ni-zhú mú ǹdə́ rə̀ nyì-bwelé y pyǐrh mó dã̀ɔ̃́, e súlí sónó. Sə rə̀myɛ́ rə̀tɔ̀ y ga wẽ́ mó, wɔ́ sónó ò du.

Sónó tʼâ la zhɔ̌ gaga yé. Yi nyì-zwennə pɛnɛ́ bʼa zhɛ̀ dɛ̃ rə̀dù; zɔ̀mà dwí dõ pɛnɛ́ bʼa lyɛ̃; lárma bʼa jé.

Bá à gə yʼà yě dwə́ né gakó zɔ̀mà nɛ́, numbyínsí nyə̀ná nɛ́ ǹdə́ màlɛ́kabá nyə̀ná nɛ́ ga, a jʼà bə sónó zhe, à zɔ̀mà nɛ́ nyɛ̌ ǹdə wɔ́ gùlú bə̀ nʼê dwí ò nʼô ce sɔ̀, ráá lòmè bə̀ nʼê mà ta.

Bá à gə zhe Yi nyì-zwennə pɛnɛ́, à zhe lárma dwí gakó, à yě kɔn dɛ̀bɛ́ gakó rə̀ shèè kùrə̀, bá à gə zhí Yi ni, à wɔ̌ à bʼa ce pyàr fwâr rə̀ jààsɛ̀ wà, à gə bə sónó zhe, à wɔ́ nánfò.

Bá à gə kwè à jɛ̃̀-kɔn dɛ́ gakó a tə̀ nə̀mwà nɛ̀, a pə à cìn bə ji myǐn, à gə bə sónó zhe, rə̀myɛ́ gakó wɔ́ nánfò.

À gə́ yʼà wɔ́ bə̀sɔ́bwɛ̀lɛ́ yi ní, à yʼà nʼâ zɔ̀m bə̀swɛ́nɛ́, à yʼà nʼâ tɛ́rɛ́ bə̀swɛ́nɛ́, à surhə né yʼà wɔ́ bə̀sɔ́bwɛ̀lɛ́ surhə; sə à gə́ tú a jǐrh námpwə̂l mó, à dwĩ̀ bə̀swɛ́nɛ́ rɛ́ nɛ.