Popular Bible Verses from 1 Kɔrɛ̃tɛ 11

Share

Èta myɛ, bə̀ gə́ jú kùjú w bə zhɛ̀, n kwè sɛ̃´ kâ-zɔ̌m, n wɔ̀: “Kâ-zɔ̌m mɔ́ mɔ̀bɔ́ nʼê byili bə̀ dɔbrɛ́ nándùl lé Yi tó à jal mɔ́ mə̀ ló tɛ̃´ mɔ́ dɛnnɛ rə zə ǹdʼába mɔ́ wɔ́ zhə̀nà. Á gə tú á la mɔ nyɔ́ gakó, sʼá wɛ̀rhɛ́ èta, á mʼá lyǐrh à yò.” Rə̀myɛ́ ce, á gə tú á nʼá dɔ̀m búrú w òmyɛ́, á nʼá nywɛ̀ sɛ̃´ mɔ́ mə̀myɛ́, wɔ́ Cinu cu mú á nʼá bwə̀l kɔn la bʼe yí n ká n bà.

Kɔn dɛ́ dɛ̀bɛ́ à cèrhè ába mó, wɔ́ Cinu sõ à zwẽ de né. Cəcɛ̃ y kɛ̀bɛ́ bə̀ myìnì Cinu Yezu bə pə bə zə mɔ́, ń kwè búrú, n ce Yi nə̀báná, n kə́ w dwã wa, n wɔ̀: “Zwẽnə á dɔ̃̀. Tɛ̀bɛ́ wɔ́ àmyɛ́ yala, à nʼâ pɛ á yilə. Wɛ̀rhɛ́na èta, á mʼá lyǐrh à yò.”

Sə lò mɔ̀bɔ́ gakó ǹ gə la búrú w òmyɛ́ dɔ́m, ǹ gə la sɛ̃´ mɔ́ mə̀myɛ́ nyɔ́, ǹ mə̂ sə́ jɛ̀rɛ̀ ń tɛ́rɛ́ ǹ wẽ́ náàcɛ̀nɛ́ sə́ zɛ̃̀ ń mə́ jí ri. Lò mɔ̀bɔ́ ǹ gə nə́ ǹ dɔ̀m búrú w òmyɛ́, ǹ nə́ ǹ nywɛ̀ sɛ̃´ mɔ́ mə̀myɛ́, ń jà ǹ yə̀l Kristə yala nɛ́ gə́ wɔ́ kɔn ná-dwí yilə, wɔ́ yò ǹ nə́ ǹ cĩ́ ǹ cìcì yó w ǹdə́ ǹ gə nə́ ǹ jí ri.

Rə̀myɛ́ ce, lò mɔ̀bɔ́ ǹ nə́ ǹ dɔ̀m Cinu búrú wə́, ǹ nə́ ǹ nywɛ̀ ń sɛ̃´ mɔ́ yààyàà, ǹ nə́ ǹ gwar Cinu yala nɛ́ ǹdə́ ń jal mɔ́.

Kwěnə àmyɛ́ Pwəə nà ǹdə à gə́ nʼâ kwè Kristə nà nɛ́.