Popular Bible Verses from Rómã lé ꞌbá 4

Share

Ĩtí rî, tã ı̣̂sũ gólâkâ âꞌdó kô ãndõtô drı̣̃ ró. Gólâ lêbẽ zãâ tã Ôvârí drí ꞌbãlé rî rú lêbẽ. Gõꞌdá tã lẽlẽ gólâkâ Ôvârí rî tãsĩ rî drí lı̣̂pı̣̃zó âꞌdólé gạ̃rạ̃. Ĩtí gólâ drí ãwô-ĩtí ꞌẽzó Ôvârí drí tãlâ tã tãndí gólâ Ôvârí drí ꞌẽꞌá ꞌẽlâ gólâ drí ạ̃tı̣́ ꞌálâ rî tãsĩ. Gólâ nı̣̃ trá kĩ, pạ̃tı̣́ı̣̃ Ôvârí âꞌdô îcáꞌá ꞌdĩyímvá âfẽlé yí drí õzõ gólâ drí tã lâ ꞌbãlé trá rî kâtí.

Ôvârí âtâ tã Ãbãrãyámã drí tã îgĩ íyíkâ ꞌá kĩ, “Má âꞌdô ánî ꞌbãꞌá âꞌdólé átá ró õjílã dũû drí.” Ãbãrãyámã lẽ tã Ôvârí kâ ꞌbãlé ꞌdĩ ꞌbá yî trá pı̣̃pı̣̂sı̣́lı̣́ ãlô sĩ. Gõꞌdá Ôvârí âtâ tã bê Ãbãrãyámã drí kĩ, “Ánî ózõwá yî âꞌdô lîzóꞌá, íîcá lãlâ ĩyî kôꞌdáwá” ĩtí rî, Ãbãrãyámã lẽ tã ꞌdî trá, kpálé gólâ trá ãgô ãrãkã ró cú ĩtí ꞌdĩyímvá ãkó rî. Nĩ ndrê drẽ, õzõ Ãbãrãyámã õndrê cé íyî rúꞌbạ́ nyãányâ ĩꞌdî rî, gólâ rĩꞌá õzõ ãvõ kâtí. Gõꞌdá gólâ nı̣̃ trá kĩ, Ôvârí âꞌdô îcáꞌá ãvõ ꞌẽlé lîdrílí õdrã ꞌásĩ, gõꞌdá Ôvârí âꞌdô îcáꞌá tã ãzâ ꞌbá yî rû ꞌẽ ꞌbá drẽ kô sı̣́sı̣́ lâ sĩ rî ꞌbá yî ꞌbãlé rû ꞌẽlé. Nĩngá sĩ, tãlâ Ãbãrãyámã lẽ tã Ôvârí kâ trá pı̣̃pı̣̂sı̣́lı̣́ ãlô sĩ ꞌdĩî kâtí rî, gólâ rĩꞌá kpá átá ꞌî ãmâ tã lẽ ꞌbá ró rî ꞌbá yî drí Ôvârí ândrá. Ĩtí rî, Ãbãrãyámã trá ạ́ꞌbı̣́yạ́ ró õrĩ dũû drí.

Ôvârí âfẽ Yésũ fũlı̣́ tãlâ tã õnjí ãmákâ rî ꞌbá yî tãsĩ, tãlâ gólâ õꞌbã ró ãmâ bê âꞌdólé mbı̣̂mbı̣̂ ró yí lı̣̃fı̣́. Gõꞌdá gólâ ꞌbã Yésũ lîdrílí õdrã ꞌásĩ, ãꞌdô ró bê ãmâ drí ndrẽlé kĩ, Ôvârí ꞌbã ãmâ trá âꞌdólé õjílã mbı̣̂mbı̣̂ rî ꞌbá yî ró yí lı̣̃fı̣́.

Ôvârí âtâ tã Ãbãrãyámã drí tã îgĩ íyíkâ ꞌá kĩ, “Má âꞌdô ánî ꞌbãꞌá âꞌdólé átá ró õjílã dũû drí.” Ãbãrãyámã lẽ tã Ôvârí kâ ꞌbãlé ꞌdĩ ꞌbá yî trá pı̣̃pı̣̂sı̣́lı̣́ ãlô sĩ. Gõꞌdá Ôvârí âtâ tã bê Ãbãrãyámã drí kĩ, “Ánî ózõwá yî âꞌdô lîzóꞌá, íîcá lãlâ ĩyî kôꞌdáwá” ĩtí rî, Ãbãrãyámã lẽ tã ꞌdî trá, kpálé gólâ trá ãgô ãrãkã ró cú ĩtí ꞌdĩyímvá ãkó rî. Nĩ ndrê drẽ, õzõ Ãbãrãyámã õndrê cé íyî rúꞌbạ́ nyãányâ ĩꞌdî rî, gólâ rĩꞌá õzõ ãvõ kâtí. Gõꞌdá gólâ nı̣̃ trá kĩ, Ôvârí âꞌdô îcáꞌá ãvõ ꞌẽlé lîdrílí õdrã ꞌásĩ, gõꞌdá Ôvârí âꞌdô îcáꞌá tã ãzâ ꞌbá yî rû ꞌẽ ꞌbá drẽ kô sı̣́sı̣́ lâ sĩ rî ꞌbá yî ꞌbãlé rû ꞌẽlé. Nĩngá sĩ, tãlâ Ãbãrãyámã lẽ tã Ôvârí kâ trá pı̣̃pı̣̂sı̣́lı̣́ ãlô sĩ ꞌdĩî kâtí rî, gólâ rĩꞌá kpá átá ꞌî ãmâ tã lẽ ꞌbá ró rî ꞌbá yî drí Ôvârí ândrá. Ĩtí rî, Ãbãrãyámã trá ạ́ꞌbı̣́yạ́ ró õrĩ dũû drí.

Bê trá ĩtí rî, Ôvârí drí tã ꞌbãzó tã tãndí ꞌẽzó Ãbãrãyámã yî drí ózõwá lâ yí bê tãlâ tã lẽlẽ Ãbãrãyámã kâ Ôvârí ꞌá pı̣̃pı̣̂sı̣́lı̣́ ãlô sĩ rî tãsĩ. Ôvârí ꞌê tã rî ꞌdĩ ĩtí, ãꞌdô ró bê kĩ, yí îcâ ró drı̣̃-bạ́lạ́yı̣̂ ró tã tãndí gólâ drí tã lâ yî ꞌbãlé õjílã íyíkâ drí ꞌdĩ fẽlé. Tã tãndí rî ꞌdĩ ꞌbá yî âꞌdó kô cé Ãbãrãyámã rî ózõwá yî gólĩyî rĩ ꞌbá tã ꞌbãꞌbã Ôvârí drí âfẽlé trá Músạ̃ sĩ rî ı̣̂njı̣̃lı̣́ ĩꞌdî rî ꞌbá yî drí. Gõꞌdá tã tãndí ꞌdĩ ꞌbá yî kpá rĩꞌá õjílã ndrĩ gólĩyî tã lẽ ꞌbá trá Ôvârí ꞌá õzõ Ãbãrãyámã kâtí rî ꞌbá yî drí. Ĩtí rî, Ãbãrãyámã âꞌdô gõꞌdá trá ạ́ꞌbı̣́yạ́ ró õjílã ndrĩ gólĩyî tã lẽ ꞌbá ĩyî Ôvârí ꞌá rî ꞌbá yî drí.

Kúmú Dạ̃wúdı̣̃ kĩ nĩ rî, “Rĩꞌá tãndí ró tákányĩ âꞌdózó õjílã gólâ Ôvârí drí tã õnjí gólâkâ âyézó trá rî ró. Õzõ gõꞌdá Ôvârí õkî tã õjílã gólâ tã õnjí ꞌẽ ꞌbá trá rî rú kô rî, ꞌdĩî rî, Ôvârí fẽ õrẽ trá rõô gólâ drí.” Lôngó 32.1-2

Nĩ ndrê drẽ, tã îgĩ-îgĩ Ôvârí kâ âtâ tã trá kĩ, “Ãbãrãyámã lẽ tã trá Ôvârí ꞌá pı̣̃pı̣̂sı̣́lı̣́ ãlô rî sĩ, gõꞌdá ĩtí rî, Ôvârí drí gólâ rî ꞌbãzó âꞌdólé õjílã mbı̣̂mbı̣̂ ró tã lẽlẽ gólâkâ ꞌdĩ tãsĩ.” Tã Ómvó Ngá 15.6