Popular Bible Verses from Tã Âꞌdâ 7

Share

ꞌDĩî vósĩ rî, má drí õjílã tı̣́lı̣́lı̣́ ndrẽzó. Íîcá kô gólĩyî lãlé. Õjílã õrĩ ꞌásĩ cé tı̣̂tı̣̂, gõꞌdá võ ãngó ꞌásĩ rî ꞌbá yî ꞌásĩ ãkí ãkó, gõꞌdá tı̣̂ õjílã drí rĩꞌá âtá bê lâ rî ꞌbá yî cé tı̣̂tı̣̂ ndrĩ ꞌdó bê rĩꞌá tólâ. Gólĩyî bê rĩꞌá âdréꞌá võ gólâ Ôvârí drí rĩzó kı̣́tı̣̃ íyíkâ drı̣̃ı̣̂ gõꞌdá Kạ́bı̣̃lı̣́kı̣̃ drı̣̃ tĩtĩ kâ ró rî bê rî ândrá. Gólĩyî sõ ꞌdó ítá mvẽêmvê ꞌî, gõꞌdá kpá rĩꞌá mbı̣́rạ́ bı̣́ bê ĩyî drı̣́gạ́ sĩ.

Gõꞌdá gólĩyî ndrĩ ꞌdó rĩꞌá lôngó ngõꞌá ĩyî kĩ nĩ rî, “Ôvârí kúmú ãmákâ, mã lûyı̣̂ nî, tãlâ ní pâ ãmâ trá. Kạ́bı̣̃lı̣́kı̣̃ drı̣̃ tĩtĩ kâ ró, mã lûyı̣̂ nî, tãlâ nî rĩꞌá ãmâ pã ꞌbá ꞌî.”

Lõfó ꞌé gólĩyî kô óꞌdí gõꞌdá kpá lı̣̃mvû lôvó bê. Ị̃tú ãmé zãá gólĩyî kpá kô óꞌdí, tãlâ Kạ́bı̣̃lı̣́kı̣̃ drı̣̃ tĩtĩ kâ ró kúmú gólĩyíkâ ró rî âꞌdô gólĩyî vó ndrẽꞌá õzõ lôkí ꞌbá drí kạ́bı̣̃lı̣́kı̣̃ íyíkâ vó lâ ndrẽrẽ kâtí. Gólâ âꞌdô gólĩyî bı̣̃ꞌá âjílí lı̣̃mvû lédrẽ-lédrẽ âfẽ ꞌbá rî mvũlı̣́ óró sẽ ꞌbá kô rî ꞌálâ. Gõꞌdá Ôvârí âꞌdô ı̣̃lı̣́ndrı̣̂ lĩꞌá ngbá gólĩyî lı̣̃fı̣́ sĩ. Ĩzã lâŋõ kâ îcá gõꞌdá kô gólĩyî ꞌẽlé kpá óꞌdí.

Tã ífí gólĩyî drí rĩzó âdrélé kı̣́tı̣̃ Ôvârí kâ ândrá ũrı̣̃ ãkó rî ĩꞌdî rĩꞌá ꞌdĩ. Gólĩyî rĩꞌá Ôvârí rî lûyı̣́ꞌá ı̣̃tú gõꞌdá ngạ́cı̣̂ zı̣̃ jó Ôvârí kâ ꞌá. Gõꞌdá Ôvârí rî gógó ífífí lâ âꞌdô sũꞌá gólĩyî rú, tãlâ tã ãzãkã õzó gólĩyî dõô kô. Lõfó ꞌé gólĩyî kô óꞌdí gõꞌdá kpá lı̣̃mvû lôvó bê. Ị̃tú ãmé zãá gólĩyî kpá kô óꞌdí, tãlâ Kạ́bı̣̃lı̣́kı̣̃ drı̣̃ tĩtĩ kâ ró kúmú gólĩyíkâ ró rî âꞌdô gólĩyî vó ndrẽꞌá õzõ lôkí ꞌbá drí kạ́bı̣̃lı̣́kı̣̃ íyíkâ vó lâ ndrẽrẽ kâtí. Gólâ âꞌdô gólĩyî bı̣̃ꞌá âjílí lı̣̃mvû lédrẽ-lédrẽ âfẽ ꞌbá rî mvũlı̣́ óró sẽ ꞌbá kô rî ꞌálâ. Gõꞌdá Ôvârí âꞌdô ı̣̃lı̣́ndrı̣̂ lĩꞌá ngbá gólĩyî lı̣̃fı̣́ sĩ. Ĩzã lâŋõ kâ îcá gõꞌdá kô gólĩyî ꞌẽlé kpá óꞌdí.

Gólĩyî õtẽ drẽ té bũúũ õzõ óõlôꞌbã lãmbé Ôvârí kâ trá ndrĩ kậkậrậ ngá ꞌẽ ꞌbá Ôvârí kâ rî ꞌbá yî ándrá-gạ́-sı̣́lı̣́ lâ yî ꞌásĩ rî. Gõꞌdá nĩngá sĩ rî, õjílã dũû lãmbé Ôvârí kâ lôꞌbãzó trá ándrá-gạ́-sı̣́lı̣́ lâ ĩyî ꞌá kạ́ngạ́ sĩ rî ꞌbá yî âꞌdázó ndrĩ má drí. Ólã gólĩyî cãlé kútũ kámá-ãlô-drı̣̃-lâ-ngâ-nyâꞌdî-rı̣̃-drı̣̃-lâ-sû (144,000). Gólĩyî rĩꞌá ꞌbạ̃súrú mûdrı̣́-drı̣̃-lâ-ngâ-rı̣̃ õrĩ õjílã Ĩsĩrãꞌélẽ kâ rî ꞌbá yí kâ ꞌásĩ ndrĩ.