Popular Bible Verses from 1 Kõrínĩtõ lé ꞌbá 6

Share

Nĩ nı̣̃ı̣́ kô kĩ, ãnî rúꞌbạ́ ꞌdĩ jó Líndrí Tãndí Ôvârí kâ kâ ĩꞌdî yã? Ôvârí rî rĩꞌá Líndrí Tãndí íyíkâ âjólé rĩlí ãnî ꞌá. Nĩ âꞌdó kô ãnî nyãányâ kâ ĩꞌdî rĩꞌá tã ꞌẽlé ãnî drı̣̃ı̣̂ sĩ. Ãnî õjílã Ôvârí kâ ĩꞌdî. Nĩ ndrê trá, gólâ gî ãnî trá lâgî ãmbá sĩ. Ĩtí rî, nĩ ꞌê gõꞌdá tã gólĩyî rĩzó gólâ rî ı̣̂njı̣̃lı̣́ rî ĩꞌdî ãnî rúꞌbạ́ ꞌdĩ sĩ.

Nĩ nı̣̃ı̣́ kô kĩ, õjílã gólĩyî rĩ ꞌbá tã õnjí ꞌẽlé rî îcá ĩyî kô pạ̃tı̣́-pạ̃tı̣̃ ró fĩlí võ ꞌbũû ꞌálâ rî ꞌá. Nĩ âdô ãnî nyãányâ kô. Õzõ nĩ ãꞌdô drẽ zãâ ậyı̣́ꞌá ꞌdãzí rî õkó bê ngãtá ꞌdãzí rî ágó bê rî, õzõ nĩ ãꞌdô drẽ zãâ ậyı̣́ꞌá ãgô ãzí ngãtá õkó ãzí bê rî, õzõ nĩ ãꞌdô drẽ zãâ ôvârí ãbãrãdãgõ îrátãꞌá ĩꞌdî, õzõ nĩ ãꞌdô drẽ zãâ rĩꞌá ngá ãnî ãzí-ãzí yí kâ ûgũꞌá rî, õzõ nĩ ãꞌdô drẽ zãâ ãrõ-ãrõ bê, õzõ nĩ õrî drẽ zãâ rĩꞌá õdrá mvũlı̣́ rĩꞌá ãnî cĩlí gõꞌdá kpá rĩzó ãzí-ãzí lôꞌdálé ĩꞌdî sĩ lâ rî, gõꞌdá õzõ ãnî ãꞌdô drẽ zãâ rĩꞌá tã õnjí ꞌdĩ ꞌbá yî ãkípálâ yî ꞌẽꞌá rî, nĩ îcá kô fĩlí võ ꞌbũû ꞌálâ nã ꞌá.

Ĩtí rî, gõꞌdá nĩ âꞌdó kô õjílã ãvẽ ꞌbá ró ãlôlâ. Õjílã gólâ tã õnjí ĩtí ꞌdĩ ꞌẽ ꞌbá rî, gólâ îzã trá cú íyî rúꞌbạ́ ꞌî. Tã õnjí ãzâ ꞌbá yî õjílã drí rĩꞌá ꞌẽlâ rî ꞌbá yî, îzãá ĩyî gólâ rî rúꞌbạ́ kô.

Õjílã ãzâ õkĩ yî ãꞌdô cú drı̣̃-bạ́lạ́yı̣̂ bê ngá ndrĩ ꞌẽzó rî, gõꞌdá má âꞌdô tã-drı̣̃ lôgõꞌá õjílã rî ꞌdĩ drí nõtí, âꞌdó kô tã pạ̃tı̣́ı̣̃ ró kĩ, ngá ndrĩ ní drí ꞌẽlé rî âꞌdô ánî pãꞌá. Nĩ âyê ngá ndrĩ ãnî drí rĩꞌá ꞌẽlâ rî ꞌbá yî kô ãnî ꞌbãlé rạ̃gı̣́ı̣̃ ĩyíkâ ró.

Nĩ ndrê drẽ, Ôvârí îngâ Kúmú ãmákâ Yésũ Krístõ rî rúꞌbạ́ õdrã ꞌásĩ. Gõꞌdá gólâ âꞌdô ãmâ rúꞌbạ́ yî îngáꞌá kpá ĩtí õdrã ꞌásĩ mbârâkã íyíkâ ꞌdĩ sĩ.