Popular Bible Verses from Apokaliipsis 4

Share

—QuBʼaal Tiuxh, akʼulelxhtuʼ uvaʼ nik qoksa aqʼij, tiʼ uvaʼ tan, axh viinqixsan ka jankʼal inqʼa kam s-kaqaayil, atz, tiʼ uvaʼ, axh nik atinsan inqʼa kam tuchʼ vavitzʼabʼal, inqʼa kam uvaʼ aviinqixsa. Atz nik qaqʼ bʼen axh s-nim. Atz sibʼxhte vaviqleʼm. Atz sibʼxhte vayakʼil, —chichichaqe.

Tul jununil inqʼa itzʼlich viinqixsaʼm, tan atich vaqtxhaqil ixichʼ. Tul mamala bʼaqʼaq ivatz inqʼa ixichʼ ataqiche. Tan ataqich bʼaqʼ vatz tiʼeʼl inqʼa ixichʼ; atz ataqich bʼaqʼ vatz jaqʼaq inqʼa ixichʼ. Tul mij nikich motx itanbʼa inatxhkʼuulal Tiuxh. Tan qʼiil aqʼbʼal tul echaq nikich motx tal s-eche: —¡Loqʼola, loqʼola, loqʼola vatz quBʼaal Tiuxh uvaʼ yeʼxhkam invaʼq tzaʼl ibʼanax s-vatz! Aʼe, uvaʼ atichxhtuʼ; atz aʼe, uvaʼ at s-txheel; atz aʼe, uvaʼ yeʼl iyaʼebʼal toq tatineʼ, —chichichaqe.

Xamtichetz veteʼ, tul insaqi. Tul vil ijaqp u amlikaʼ, eche ijaqp vaʼq jubʼal ibʼana. Tul yolon val u qul s-ve. Antxh u qul uvaʼ vabʼi s-bʼaxa, tan aʼ ixhaakalile, eche toqʼ invaʼq trompeeta ibʼana. Tul ech tal s-ve s-eche: —Ajaʼul tzitza. Tul toq inkʼutxh see inqʼa toq utxhoq t-inqʼa qʼij inqʼa savatz bʼen, —xeʼt u qul s-ve.