Popular Bible Verses from Apokaliipsis 22

Share

Tan aʼ ine, vixeʼtebʼal jankʼal inqʼa kam. Tul aʼ ine, vitzoqpebʼal, eche u tzʼibʼ aalfa tuchʼ u tzʼibʼ omeega. Atz aʼ ine, u viinqixsan tetz inqʼa kam. Tul aʼ ine, uvaʼ laʼ tanbʼan paqte.

Yaʼne ech tal quBʼaal Jesuus s-eche: «¡Bʼiit kuxh vaqʼbʼeʼ! Tul bʼen vaqʼ vitxʼaqaʼm junun inqʼa xaol, tiʼ kam vibʼanoʼm qat motx ibʼan vatz u txʼavaʼ.

Tul ech nik tal viTiuxhil Tiuxh tuchʼ inqʼa niman tetz Jesuus s-eche: —¡Avul veteʼ! —chiche, eche nik tal vaʼq chelem ixvaak te u chelem xaak. Jaʼletz uvaʼ nik abʼin, tul: —Avul veteʼ, —chaqatetza. Echetz jaʼl uvaʼ nik saʼon qʼij isaq uvaʼ yeʼl iyaʼebʼal imotxebʼal, tul okoq bʼen tiʼ quBʼaal Tiuxh, eche vaʼq xaol uvaʼ nik ikam tzaqa tziʼil. Tan aʼ quBʼaal Tiuxh laʼ aqʼon qʼij isaq uvaʼ jit txhoel laʼ ibʼana. Tan aʼ Tiuxhe vixeʼal u qʼij saq, eche vaʼq titzʼebʼal aʼ.

At vibʼaʼnil quBʼaal Tiuxh tiibʼa inqʼa xaol uvaʼ nik itxʼaj taanima vatz quBʼaal Tiuxh, eche nik itxʼajteʼl tzʼil tiʼ u toksaʼm. Tan aʼetz inqʼae, at tokebʼal tiʼ tetxhbʼul vivatz u tzeʼ, u aqʼol tetz qʼij saq. Atz at tokebʼal paqte tiʼ ipaloʼk t-vijubʼalil u loqʼola mam tenam Jerusaleen.

Yaʼne ech nik tal JesuKriisto s-eche: «¡Bʼiit kuxh vaqʼbʼeʼ! At vibʼaʼnil quBʼaal Tiuxh tiibʼa inqʼa xaol uvaʼ laʼ niman inqʼa yol uvaʼ tzʼibʼamal ka tu uʼ uvaʼa tiʼ kam inqʼa toq motx utxhoq,» chich JesuKriisto, —xeʼt u aanxel.

Tul yeʼ vet laʼ qʼeqxi. Atz yeʼxhkam vet invaʼq txiqubʼal laʼ saʼon te inqʼa taqʼonvil quBʼaal Tiuxh, atz jitoq vet laʼ saʼon itxiqun u qʼij s-te. Tan aʼ vet quBʼaal Tiuxh laʼ txiqun. Tul laʼ motx ibʼan inqʼa taqʼonvil quBʼaal Tiuxh iqʼesalil s-kʼatza tinjattant inqʼa yaʼbʼ uvaʼ bʼenaʼl kuxh ibʼen toq tuleʼ.

Aʼetz u JesuKriistoe uvaʼ nik aqʼon ootzaqiloq inqʼa yol uvaʼ qat intzʼibʼa. Tan ech nik tal s-eche: —¡Nuqlaxh yol uvaʼ bʼiit kuxh vaqʼbʼeʼ! —chiche. Tul echxh laʼ ibʼane. —¡Avuleʼ, quBʼaal Jesuus! —chich in s-te. Tul aʼ vibʼaʼnil quBʼaal Jesuus laʼ atin sexoʼl sekaqaayil. Tul echxh laʼ ibʼane.

Tul ech tal u JesuKriisto s-eche: —Toqetz vaqʼ tootzaqi, jatvaʼlxh inqʼa nik abʼin inqʼa yol uvaʼ tzʼibʼamal tu uʼ uvaʼa, tan oq jaʼl invaʼq uvaʼ laʼ aqʼon jaʼ iviʼ inqʼa yol uvaʼa, tul aʼl tel laʼ itzʼeqsat quBʼaal Tiuxh u kʼaxkʼo s-tiibʼa, inqʼa kʼaxkʼo uvaʼ tzʼibʼamal tuul u uʼ uvaʼa. Atz jaʼlatetz uvaʼ laʼ eesan ka invaʼtoʼq yol tiʼ kam inqʼa toq utxhoq uvaʼ nik tal tu uʼ uvaʼa, tul echatetz laʼ teesal el vibʼije tuul u uʼ tal uvaʼ tzʼibʼamal ibʼij inqʼa xaol, inqʼa at qʼij isaq kʼatz quBʼaal Tiuxh. Atz jitoq at tokebʼal tiʼ ipaloʼk tu chʼexichla mam tenam. Atz jitoq at tokebʼal tiʼ inqʼa bʼaʼnil uvaʼ tzʼibʼamal tuul u uʼ uvaʼa, —chiche.