Popular Bible Verses from Filipeenses 4

Share

Echetz yeʼl ex laʼ kuxh el etaanima tiʼ invaʼq kam. Pet aʼl laʼ motx etal te quBʼaal Tiuxh kam inqʼa nik esaʼeʼ. Tul kʼuxh kamxh s-tiʼilil laʼ motx etabʼi te quBʼaal Tiuxh. Tul laʼ enatxh Tiuxh; tuchʼ ayaʼl ekʼuul tiʼ tabʼil s-te. Atz laʼ motx etaqʼ taʼntiuxh te quBʼaal Tiuxh.

Echetz aʼ vibʼaʼnil u quBʼaal Tiuxh laʼ kolon vetaanima tuchʼ vetitzʼabʼal tiʼ etatin kʼatz u quBʼaal JesuKriisto, vibʼaʼnil uvaʼ tira sibʼxh talax viʼ kam uvaʼ nik etxʼebʼeʼ laʼ aqʼax sete.

Echetz toq val jolt yol sete, ex inmol s-niman tetz Jesuus, uvaʼ ayaʼl laʼ etitzʼa tiʼ vemol inqʼa s-eche: Ayaʼl laʼ etitzʼa vinuqul s-tiʼ; ayaʼl laʼ etitzʼa kam bʼaʼn nik ibʼaneʼ; ayaʼl laʼ etitzʼa u jik s-tiʼ; ayaʼl laʼ etitzʼa u bʼaʼn s-tiʼ; ayaʼl laʼ etitzʼa uvaʼ ayaʼlxh bʼaʼn s-te. Tul yeʼ laʼ etitzʼa teesal iqʼij. Atz ayaʼl laʼ etitzʼa u bʼaʼn uvaʼ at s-kʼatza. Atz ayaʼl laʼ etitzʼa jabʼiste uvaʼ laʼ ok iqʼij s-tiʼ.

Echetz nik intxʼol inpal s-tuul, kʼuxh kamxh laʼ palk in, tan aʼ u quBʼaal JesuKriisto nik aqʼon intial tiʼ vatineʼ.

Echetz chiibʼoq ex bʼenamen, tan etootzaql vet u quBʼaal Tiuxh. Tul toq val sete inpaqte uvaʼ: ¡Chiibʼoq kuxh ex!

Aʼetz vet vinBʼaal Tiuxh laʼ aqʼon jankʼal uvaʼ laʼ saʼon sete tiʼ vetatineʼ. Tan yeʼl iyaʼebʼal u mam txʼijbʼal qʼij uvaʼ at xeʼ u quBʼaal Tiuxh tu nimal tatin tu amlikaʼ. Tul toq taqʼ sete tiʼ venimat u quBʼaal JesuKriisto.

Aʼetz ebʼan jankʼalxh uvaʼ qat intxhus sete, inqʼa qat etxhabʼa sinkʼatza, inqʼa qat etabʼi valtaʼ, atz inqʼa qat etil inbʼantaʼ. Oqetz ech laʼ ebʼane, tul aʼetz u quBʼaal Tiuxh laʼ atin sekʼatza, u Aqʼol tetz bʼaʼnil sexoʼl.

Tul ayaʼlxh bʼaʼn sete laʼ ebʼan vatz inqʼa xaol s-kaqaayil. Tan naql kuxh vet u tulebʼal u quBʼaal Jesuus inpaqte.

Tul vootzaqat vatineʼ, kʼuxh yeʼxh jankʼal ati, atz vootzaqat vatineʼ kʼuxh tira ati. Tan chianaʼq vet s-ve, kʼuxh kamxh laʼ palk in. Tan bʼaʼn kuxh s-ve, kʼuxh laʼ txʼaʼon in, atz kʼuxh yeʼ laʼ txʼaʼon in. Atz bʼaʼn kuxh s-ve, kʼuxh atxh kam vetz, atz kʼuxh yeʼxhkam.

Niketz val u yol uvaʼe, poro jit aʼ nik vale uvaʼ in koq nik yaʼtan invaʼq kam. Pet ech kuxhte, tan chianaʼq vet vatin s-ve kʼuxh at kam vetz, atz kʼuxh yeʼxhkam.