Popular Bible Verses from Evreeos 2

Share

Tiʼetz uvaʼ pal quBʼaal JesuKriisto t-inqʼa itzaʼlal uvaʼs tetxhbʼul ikuʼ t-paʼv, echetz s-tiʼile yeʼ tzaʼl laʼ ilotxht quBʼaal JesuKriisto inqʼa xaol, inqʼa laʼ etxhbʼul ikuʼ t-paʼv.

Tiʼetz uvaʼ alam aanima inqʼa xaol, atz at itxhiʼoʼl ikaqal, echetz ibʼen vet quBʼaal Jesuus s-vaʼl alam aanima, eche oʼ. Qatetz ibʼan s-eche, tan aʼ isaʼ laʼ ipal tuul u kamchil. Echetz laʼ toleʼve tiʼ tel iqʼij uvaʼ at tiqleʼm tiʼ ikamsal inqʼa xaol, aʼe Satanaas.

Echetz aʼ isaʼ uvaʼ aʼl tel laʼ qunimat kam inqʼa abʼimalxh vet qaʼn titziʼ inqʼa apoostol. Tul laʼxh qunima s-bʼaʼn. Echetz yeʼ laʼ qele t-bʼey tiʼ inimal viyol quBʼaal Jesuus.

Echetz s-tiʼile tetxhal laʼich bʼen u quBʼaal Jesuus s-kamxh ibʼanax vaʼl alam aanima, eche inqʼa sulaʼ xaol. Tan aʼ u quBʼaal Jesuus laʼich bʼen vet siqʼesal oksan yol vatz Tiuxh tiʼ ikʼuulal toksal u tenam vatz quBʼaal Tiuxh. Tan tiʼ vibʼen s-alam aanima, tul laʼich itxum ivatz inqʼa xaol, atz kʼuqlebʼalxh kʼuul laʼich toksat viyol inqʼa xaol vatz quBʼaal Tiuxh. Tan aʼ kʼaqel taʼn u quBʼaal JesuKriisto itxhoox vipaʼv inqʼa xaol.

Pet toqetz qabʼi u yol tiʼ Vaʼl uvaʼ taqʼ quBʼaal Tiuxh tiqleʼm uvaʼ bʼiit kuxh kuʼl tiʼ u tiqleʼm inqʼa aanxel. Aʼetze u quBʼaal Jesuus uvaʼ qat taqʼ bʼen quBʼaal Tiuxh s-nim tiʼ vibʼant iqʼesalil s-kʼatza, tul taqʼ jaʼ quBʼaal Tiuxh ikoroona tiviʼ tiʼ toksal iqʼij. Echetz uvaʼe ibʼane, tan tiʼ uvaʼ qat kʼaxbʼi tetxhal ikameʼ. Tul jankʼaletz vet inqʼa xaol qat ilon vibʼaʼnil vikam u quBʼaal JesuKriisto. Tan ech vibʼaʼnil u quBʼaal Tiuxhe tiibʼa jankʼal inqʼa xaol.