Popular Bible Verses from Vibʼanoʼm inqʼa Apoostol 17

Share

Ayaʼletz uvaʼe ibʼan quBʼaal Tiuxh, tan aʼich isaʼ quBʼaal Tiuxh uvaʼ laʼ txhokox taʼn inqʼa xaol. Tul kʼuxh kam kuxh txumbʼal laʼ ibʼan tiʼ itxhokoxeʼ, tul tetxhal laʼ bʼen ileqeʼ. Eche vaʼq tzot uvaʼ laʼ tukun tiʼ kam vaʼq uvaʼ nik itxhokeʼ, tul tetxhal laʼ ileqa. Aloq jit naatxhen koq atil u quBʼaal Tiuxh s-qukʼatza.

Tul jitetz kuxh taʼne, pet atz aʼl aʼ bʼanon invaʼl vinaq tzitza vatz txʼavaʼ. Tul jankʼaletz vet inqʼa xaol inqʼa at txheel vatz u txʼavaʼ, tan ixaʼnil vet u vinaqe. Tul tal vet ka quBʼaal Tiuxh jankʼal qʼij saq laʼ ibʼan tzitza vatz u txʼavaʼ. Atz tal ka quBʼaal Tiuxh tal laʼ motx atink junun.

Aʼetz u quBʼaal Tiuxhe, u viinqixsan tetz u txʼavaʼ amlikaʼ s-kaqaayil, atz tuchʼ jankʼal inqʼa at s-vatz. Tul antetzxh u quBʼaal Tiuxhe, u aj etz u txʼavaʼ amlikaʼ, ¡aʼetz kol laʼ atink txhan tuul invaʼq atibʼal tzitza vatz txʼavaʼ uvaʼ xaol bʼitonaʼq tetz!

Tan kʼoqelxh vet tiʼ taʼn quBʼaal Tiuxh tiʼ ichʼexex vaʼl qʼij uvaʼ laʼ taqʼt kuʼ inqʼa yol tinuqul, atz vaʼl Vinaq uvaʼ jikxh laʼ taqʼt kuʼ inqʼa yol tinuqul s-qiʼ, oʼ inqʼa xaol s-qukaqaayil. Poro kam koq qunatxhbʼe, pet tira qat ikʼutxh quBʼaal Tiuxh vatz inqʼa xaol s-kaqaayil uvaʼ quBʼaal Tiuxh itzʼeʼvsan u quBʼaal Jesuus xoʼl inqʼa kamnaʼq, tan aʼ uvaʼe, qat ichʼex quBʼaal Tiuxh, —xeʼt Paʼp xoʼl inqʼa tenam.

Oqetz nik qunatxheʼ uvaʼ, oʼ kʼaol imeʼal quBʼaal Tiuxh, tul yeʼ laʼ utxhi uvaʼ laʼ qal invaʼq kam s-qutiuxh uvaʼ ooro, atzoq plaata, atzoq invaʼq sivan, atzoq invaʼq josqʼilla sejich kam, tan bʼane itzʼlel koq. Tul jitoq laʼ qunatxhkʼuula invaʼq kam uvaʼ vinaq laʼ bʼiton tuchʼ titzʼabʼal.