Popular Bible Verses from 1 Koriintios 11

Share

Yaʼetz vet itxʼaʼon Jesuus tuchʼ inqʼa nikich itxhus tibʼ s-kʼatza, tul tiqʼo tzaan Jesuus u koopa. Tul ech tal Jesuus s-eche: —U taʼl uuva uvaʼ at kuʼ tuul u koopa, tan aʼ vinkaqale uvaʼ toq eloq setiʼ. Tul aʼ vinkaqal toq jeqbʼan ka vaʼt vinyol sexoʼl. Tul txhaqpaq laʼ etukʼat u taʼl uuva tu koopa, tul laʼ etulsa sekʼuul uvaʼ qat el vinkaqal setiʼ, —xeʼt Jesuus.{*} Echetz txhaqpaq laʼ etetxhbʼut u paan, atz etukʼat u taʼl uuva, aʼetz nik etulsa sekʼuul, atz nik ekʼutxhe vikamebʼal u quBʼaal Jesuus, tetxhal laʼ tul inpaqte.

Tan kamxh uvaʼ qat ikʼutxh u quBʼaal Jesuus s-ve, tul antxh uvaʼe qat intxhus sete. Tan tuulbʼaletz u aqʼbʼal uvaʼs toqnaʼqich oksaloq vet quBʼaal Jesuus tiqʼabʼ inqʼa iqʼesal uqʼeʼybʼal, tul tiqʼo tzaan Jesuus u paan. Tul taqʼ Jesuus taʼntiuxh te quBʼaal Tiuxh s-tiʼ. Tul ipixh Jesuus s-tuul. Tul ech tal Jesuus s-eche: —Kʼulvaq u paan. Tul txʼaʼvaq, tan aʼ vintxhiʼoʼle uvaʼ toq vaqʼ kʼaxbʼisaloq setiʼ. Tul txhaqpaq laʼ enimataʼ, tul laʼ etulsa in sekʼuul, —xeʼt Jesuus.

Pet bʼaxa laʼ etulsa sekʼuul kam bʼanel taʼn vetatin vatz quBʼaal Tiuxh. Yaʼne laʼ etetxhbʼu vet u paan, atz laʼ etukʼa u taʼl uuva. Tan jaʼl uvaʼ yeʼl kuxh tiqleʼm tetxhbʼul u paan s-vatz, atz tukʼal u taʼl uuva, tul juntetz kuxh vet nik tiqʼo tzaan u kʼaxkʼoe s-tiibʼa. Tan yeʼ nik titzʼa s-bʼaxa uvaʼ vaʼl kuxh vet tatin tuchʼ jankʼal inqʼa niman tetz Jesuus.

Jatvaʼletz ex, uvaʼ yeʼxhkam kuxh tiqleʼm tetxhbʼul u paan, atz tukʼal u taʼl uuva sevatz, tul yeʼ nik etulsa vikamebʼal quBʼaal Jesuus sekʼuul, tul aj paʼvetz vet exe tiʼ teesal iqʼij vikʼaxbʼ vitxhiʼoʼl quBʼaal Jesuus, atz u tel vikaqal.

Antetzxh ebʼan kam uvaʼ nik etil inbʼantaʼ. Tan aʼ nik inbʼan kam uvaʼ ibʼan u quBʼaal JesuKriisto.