Popular Bible Verses from Rómà ŋa 8

Share

Tsí àa mà ní iŋɛ́ ɔ̀kã̀lɔ́ɔ̀kã̀ kpó yèé Ɔ̀ɖáyé náa tse#ɛ́, náa tseé, tsí kó dzɛ́ iŋɛ́-ire fú ɛnɛ yèé ŋa náa nɛ́ àmúɖɔ̃̀ fúu#ɛ́ ni. Ó ti tsã ɛnɛ nyɛ̀ŋɛ̀ ŋa si tsúwádzú kíbí ó wà néètò‐ɛ̀ si gbà#á.

Ɛ̃ɛ̃! Ǹ mà rere si ńnɔ́-ara-mi si ní iŋɛ́-kã̀ kpókpó kò wà, tsí kó nyáa ya wá níìkã̀ nára-àmúɖɔ̃̀-Ɔ̀ɖáyé. Kí nákó nyáa dzɛ́ iŋɛ́ nyɛ̀ŋɛ̀? Àyɛ̀ɛ̀ nàmí ikú? Ikpá-íbàɖí ŋaà nàmí adzítsɛ́-ɔ̀rɔ̃† ŋa? Iŋɛ́ yèé ŋa wà si báàyí#ɛ́ɛ̀ nàmí yèé ŋa bòkó wáa wá náànyìwà#á? Ikpá yèé ŋa wà nɔ́ɔ̀rɔ̃#ɛ́ɛ̀ nàmí yèé ŋa wà ńǹtalɛ̀ bí#ɛ́? Iŋɛ́ ɔ̀kã̀lɔ́ɔ̀kã̀ kpó yèé ŋa Ɔ̀ɖáyé ɖá#á, ɔ̀kã̀ kpókpó kò wà náàŋírĩ-ŋa, tsí kó nyáa ya wá níìkã̀ nára-àmúɖɔ̃̀ yèé Ɔ̀ɖáyé gbà ńǹtá-Yèésù Kírísítò Ɔlá-wa, tsí nyà ɖíre fú wa#á láyé.

Nɔ́ɔ̀nà-ìrɔ́-bɛ́ɛ̀-kã̀ ké ní Mímí-Ɔ̀ɖáyé gbo náa wà mɔ́wɔ́ gbè fú wa#á. Náa mɔ́wɔ́ gbè fú àwa yèé ŋa àmí-kã̀ kò wà nɔ́wɔ́-wa lárè bɛ́ɛ̀ ńnɔ́-Ɔ̀ɖáyé sísɛ̃̀#ɛ́. Ó ɖi, bí àa wà wúùre fú Ɔ̀ɖáyé, àa kà ma iŋɛ́ yèé ká fɔ̀ gìɖì#ɛ́. Ńbɛ̀ɛ́, Mímí-Ɔ̀ɖáyé#ɛ́ òŋu ká‐ɛ̀ náa wáa gba afɔ̀-wa ŋa nóŋù-ìrɔ́-kã̀ yèé ɔ̀nyà kàkó nyáa fɔ̀, tsí gbɔ́ òkpì‐ɛ̀#ɛ́, tsí ń wúùre fú Ɔ̀ɖáyé si nárũ-wa.

Afɔ̀ mɛ̀ɛ́ àa kó fɔ̀ ti nára-iŋɛ́ yèé ŋa nyí kpó ni? Bí Ɔ̀ɖáyé wà náànyì-wa si fee, nɛ̀ɛ́ nákó nyáa kɔ̀ wá ná? Ɔ̀nyà-kã̀ kò wà.

Ńbɛ̀ɛ́, Ɔ̀ɖáyé kàkó kpɛdzɔ́, tsí ɖáàbi fú ɛnɛ yèé ŋa Yèésù Kírísítò tse ɔ̀kã̀ntso bá si#ɛ́ ró.

Awù-kíbí ɔ̀nyà yà gbà#á kó gba ìsérè si fúnɛ#ɛ́, ikú ní náa bí#ɛ́. Ó ɖi, awù-Mímí-Ɔ̀ɖáyé kó gba ìsérè si fúnɛ#ɛ́, náa fúnɛ náàyɛ̀, tsí fúnɛ ńtútùúrɔ̀ gbo.

Ó ɖi, ńnɔ́-iŋɛ́ yèé ŋa kpó náa bá wa bɛ́ɛ̀#ɛ́ fee, Yèésù Kírísítò, ɛnɛ yèé nɛ́ àmúɖɔ̃̀ fú wa#á, náa tse tsí àa náa dzàdzàbɔ́ dzálɛ̀ kpó kpãŋu.

Nódzú tèmi òŋu fee, bí à ní ká mú ìréré yèé ŋa àa wà si nɔ́mbɛ́ báàyí#ɛ́, tsí ń ɖé bá iyì-Ɔ̀ɖáyé yèé ó bòkó wáa fú wa náànyìwà#á, ìréré ŋa#á kò tì kpankɛ́lɛ́‐ɛ̀ nɔ́ɔ̀nà-kã̀ kpókpó.

Kí gìɖì tútú wà, tsí kó nyáa ya wá níìkã̀ nára-àmúɖɔ̃̀ yèé Yèésù Kírísítò nyà ɖíre fú wa#á ná? Ìréréè nàmí odzo-ayé? Oró tsítse bánɛɛ̀ nàmí ebi-inɔ́ kó kpanɛ? Ìyà dzídzɛɛ̀ nàmí àtsubi-kã̀ kó bánɛ? Ká gúnɛ ńtàsú kpaà nàmí kí? Láyé! Iŋɛ́-kã̀ kò wà.

Tsí Ɔ̀ɖáyé òŋu minɔ́-ɔ̀nyà ɔ̀kã̀lɔ́ɔ̀kã̀ kpó, tsí ó ma iŋɛ́ yèé Mímí‐ɛ̀ náa wò ní òŋu kó bèrè#ɛ́ gbo. Mímí-Ɔ̀ɖáyé#ɛ́ ní náa wà wúùre fú Ɔ̀ɖáyé si nárũ-ɛnɛ yèé ŋa dzɛ́ ti Ɔ̀ɖáyé#ɛ́. Náa wà wúùre fúu ńǹrɔ́-kíbí Ɔ̀ɖáyé òŋu ká‐ɛ̀ náa wò gbà#á ni.

Ó ɖi, ɛnɛ yèé ŋa kpó Mímí-Ɔ̀ɖáyé wà ńǹtá-ŋa si, tsí wà gbɛ̃́ ŋa#á, àŋa ní dzɛ́ ɔma-Ɔ̀ɖáyé#ɛ́.

Ɛnɛ yèé ŋa náa kɔ ara-ŋa dzɔ̀ɔ́ fú awù-kíbí ɔ̀nyà yà gbà#á, tsí náa wà gbɛ̃́ ŋa#á, awù-kíbí ɔ̀nyà yà gbà#á gé ní náa gba ìsérè-ŋa si#ɛ́. Ó ɖi, ɛnɛ yèé ŋa náa kɔ ara-ŋa dzɔ̀ɔ́ fú Mímí-Ɔ̀ɖáyé, tsí náa wà gbɛ̃́ ŋa#á, awù-Mímí-Ɔ̀ɖáyé gé ní náa gba ìsérè tiŋa gbo si#ɛ́.

Ɔ̀ɖáyé má nyáa kɔ̀ ní Ɔma bíbí tòŋu ká-òŋu kó máa réré. Ó ɖi, kò tse bɛ́ɛ̀. Kà kàa bɛ́ɛ̀, ó kɛ́ɛ, tsí ń bɔwɔ́-ɔ̀nyà ŋa, tsí ó kú si nárũ-àwa kpó. Tsí kíbí ó tse bɛ́ɛ̀#ɛ́, nákó mú iŋɛ́ ɔ̀kã̀lɔ́ɔ̀kã̀ gbo kpó, tsí ń máa fú wa kpoŋu gé ní ó dzɛ́#ɛ́.

Tsí Mímí-Ɔ̀ɖáyé#ɛ́ òŋu ká‐ɛ̀ gìɖì náa wà fɔ̀ fú wa ńnɔ́-ara-wa ní àa dzɛ́ ɔma-Ɔ̀ɖáyé. Kíbí ó dzɛ́ ní àa dzɛ́ ɔma-Ɔ̀ɖáyé#ɛ́, ɔ̀nà wà fú àwa gbo, tsí iŋɛ́-ire yèé ŋa Ɔ̀ɖáyé tàlé si fú ɛnɛ yèé dzɛ́ tɛ̀ɛ̀ ŋa#á, kó tɔwɔ́ tiwa gbo. Iŋɛ́-ire nyɛ̀ŋɛ̀ ŋa#á nákó tɔwɔ́-àwa Kírísítò méèdzì. Tsí kíbí àwa gbo, àa wà réré bá Kírísítò#ɛ́, àa nákó gba iyì-Ɔ̀ɖáyé gbo báa.

Ó ɖi, ɛnɛ yèé ŋa náa kɔ ara-ŋa dzɔ̀ɔ́ fú awù-kíbí ɔ̀nyà yà gbà#á, tsí náa wà gbɛ̃́ ŋa#á, à dzɛ́ ɔ̀tɛ̀-Ɔ̀ɖáyé. À kà dzɛ́, tsí ká rɛ̃̀ si nɛ́kpa-Ɔ̀ɖáyé. À kàkó tì nyáa rɛ̃̀ si nɛ́kpa#á gìɖì.

Iŋɛ́ ɔ̀kã̀lɔ́ɔ̀kã̀ kpó yèé Ɔ̀ɖáyé ɖá si náàdzàkáyé#ɛ́, à ɖóro si, tsí wà wo odzú‐ɛ̀. À wà wo ká rí ɔdzɔ́ yèé Ɔ̀ɖáyé nákó nya ɔma‐ɛ̀ ŋa ɖíre#ɛ́. Ɔdzɔ́#ɛ́ kò tì yáa wà tó fú ŋa gìɖì.

Tsí àa mà rere ní ti ńǹkpìnkpìlɛ̀ títí wáa fú nɔ́mbɛ́ báàyí#ɛ́, iŋɛ́ ɔ̀kã̀lɔ́ɔ̀kã̀ kpó yèé Ɔ̀ɖáyé ɖá#á, à mú enyí kã̀ si, tsí wà gbɔ́ ɖíɖɔ̃̀ tsɛ̃̀ɛ̃̀ kíbí ɖíɖɔ̃̀-ɔma bíbí bɛ́.