Popular Bible Verses from Fìlíkpò ŋa 4

Share

È máa wà ɖíìhã̀ŋù-iŋɛ́-kã̀ kpókpó. Kà kàa bɛ́ɛ̀, bí ó wà nɔ́ɔ̀kã̀lɔ́ɔ̀kã̀, è náa wà wúùre fú Ɔ̀ɖáyé, tsí wà tsìkálɛ̀ gbo fúu, tsí wà bèrèé ńŋɛ́ yèé wà hã́ ŋɛ́#ɛ́, tsí wà ɖɔ́kpɛ́ gbo fúu.

Tsí è wà ńtútùúrɔ̀ yèé náa ti ńɖi-Ɔ̀ɖáyé#ɛ́ si. Ɔ̀nyà-kã̀ kpókpó kàkó nyáa gbɔ́ òkpì-tútùúrɔ̀#ɛ́. Tsí kíbí ɛ̀ŋɛ Yèésù Kírísítò méèdzì, è ɖi ɔ̀kã̀ntso si#ɛ́, tútùúrɔ̀#ɛ́ nákó sɔgbà wérí ŋɛ́ kpó.

Ìnàbí-mi ŋa, báàyí#ɛ́, ǹ wà wo n fɔ iŋɛ́ yèé ŋa è nákó wà tse ìsérè-ŋa#á fú ŋɛ́, tsí e gbɔ́. Bí iŋɛ́-kã̀ wà, tsí dzɛ́ òtítɔ́, tsí ɔ̀kã̀ gbo wà, tsí wówo, tsí ɔ̀kã̀ gbo wà ró, tsí dzɛ́ rere nódzú-Ɔ̀ɖáyé òŋu nódzú-ɔ̀nyà ŋa#á, è náa wà tsèsérè lɔ ńǹtá-ŋa. Bí iŋɛ́-kã̀ wà, tsí dzɛ́ iŋɛ́ mímá, tsí ɔ̀kã̀ gbo wà, tsí dzɔdzú, tsí ɔ̀kã̀ gbo wà ró, tsí ɔ̀nyà kpó náa fɔ̀ ti nára‐ɛ̀ ní ó sã̀#á, è náa wà tsèsérè lɔ ńǹtá-àŋa gbo. Bí ó dzɛ́ ore wà ńnɔ́-iŋɛ́-kã̀ gbo, tsí iŋɛ́-kã̀ gbo wà, tsí dzɔ ní ká nyɛ̀ɛ́#ɛ́, è náa wà tsèsérè lɔ ńǹtá-àŋa gbo.

Kírísítò wà fú mi ńkpá, tsí ó tse tsí mà nyáa le ɛ̀ɖɔ̃̀ gbe iŋɛ́ ɔ̀kã̀lɔ́ɔ̀kã̀ kpó.

Tsí kíbí ɛ̀ŋɛ Ɔlá-wa méèdzì, è ɖi ɔ̀kã̀ntso si#ɛ́, ayè kó wà tɛ́ ŋɛ́ ńǹwèrè kíìwèrè. Ǹ tɔ́ wà fɔ̀ɔ́ fú ŋɛ́ ró ní ayè kó wà tɛ́ ŋɛ́.

Ɔ̀ɖáyé-mi, iŋɛ́ ŋa kpó dzɔ nɔ́wɔ́‐ɛ̀. Tsí iyì‐ɛ̀ lákṹ títí nákó gbà ńǹtá-Yèésù Kírísítò, tsí fú ŋɛ́ ńŋɛ́ ɔ̀kã̀lɔ́ɔ̀kã̀ kpó yèé wà hã́ ŋɛ́#ɛ́.

Ɛ̀kɔ́ yèé ǹ tse fú ŋɛ́#ɛ́ òŋu orò yèé ǹ ɖá fú ŋɛ́#ɛ́ má nára-iŋɛ́ yèé è rí, tsí gbɔ́ ńɖɔ̀-mi#ɛ́, ɛ̀ŋɛ gbo è ń tsitsɛ́ tse, tsí Ɔ̀ɖáyé olí-tútùúrɔ̀ nákó wà náànyì-ŋɛ́ si.

Ɔ̀nyà kpó kó rí mà ní è dzɛ́ ɔ̀nyà kã̀ŋa fú ara-ŋɛ́ gé ni. Wíwá-Ɔlá-wa sɔ́má fòò.

Bí iŋɛ́-kã̀ kpókpó kò wà fú mi, kíbí màa gbé gbà#á, ǹ màá, tsí bí ó sì dzɛ́ gbo ní iŋɛ́ ŋa tsɔ̀ mí kũ̀, kíbí màa gbé gbà#á, ǹ màá. Tsí ńǹɖì ɔ̀kã̀lɔ́ɔ̀kã̀ òŋu náàsòkò ɔ̀kã̀lɔ́ɔ̀kã̀, ǹ máa tse tsí kó ɖɔ̃̀ fú mi. Bí ó dzɛ́ ní ǹ dzɛ yó niì, ǹ wà nébi niì, bí ó dzɛ́ ní iŋɛ́-kã̀ kpókpó kò wà fú mi niì, iŋɛ́ ŋa tsɔ̀ mí kũ̀ si niì, mà máa gbé, tsí kó ɖɔ̃̀ fú mi.

Kò tsi iŋɛ́-kã̀ wà hã́ mi ní tse tsí ǹ wà wíìnyɛ̀ bɛ́ɛ̀#ɛ́. Ó ɖi, èmi òŋu, ǹ ti ń kɔ́ ara-mi si. Iŋɛ́ yèé wà nɔ́wɔ́-mi#ɛ́ náa tó mi, tsí náa ɖɔ̃̀ fú mi gbo.