Popular Bible Verses from Gàlátì ŋa 2

Share

Tsí kíbí ǹ wà náàyɛ̀ si#ɛ́, kò tsi èmi ká-mi ní wà gbɛ̃́ ara-mi ró#ɛ́. Ó ɖi, Kírísítò ní wà ńnɔ́-mi si, tsí wà gbɛ̃́ mi#ɛ́. Báàyí#ɛ́, ǹ wà náàyɛ̀ si ńǹtalɛ̀ bí. Ó ɖi, àyɛ̀#ɛ́ ti ńɖi-kíbí ǹ mú àkaralé-mi si ńǹtá-Ɔma bíbí-Ɔ̀ɖáyé#ɛ́ ni. Ɔma bíbí-Ɔ̀ɖáyé#ɛ́, ó nɛ́ àmúɖɔ̃̀ fú mi, tsí ó mú ara‐ɛ̀ tsɛbɔ néwo-mi.

Ńbɛ̀ɛ́, ǹ kò wà mú ore-ɔ̀fɛ́-Ɔ̀ɖáyé taánù. Ó ɖi, bí ɛkpa-Mɔ̀ɔ́sè nákó nyáa tse tsí Ɔ̀ɖáyé kó gbanɛ nɔ́ɔ̀nyà-atsòtítɔ́ nódzú-ara‐ɛ̀#ɛ́, à wà fɔ̀ ní ikú-Kírísítò dzɛ́ iŋɛ́-akpotu ńnɛ̀ɛ́.

Ó ɖi àwa òŋu, ɔma-Ìyúɖà ŋa bíbí ní àa dzɛ́#ɛ́. Àa kò tsi ɔ̀nyà-ìlú-àledzò ŋa yèé kò wà rɛ̃̀ si nɛ́kpa-Ɔ̀ɖáyé#ɛ́. Tsí àa mà ní kò tsi ɛnɛ yèé wà rɛ̃̀ si nɛ́kpa-Mɔ̀ɔ́sè†#ɛ́ ní Ɔ̀ɖáyé náa gbà nɔ́ɔ̀nyà-atsòtítɔ́ nódzú-ara‐ɛ̀#ɛ́. Ó ɖi, ɛnɛ yèé mú àkaralé‐ɛ̀ si ńǹtá-Yèésù Kírísítò#ɛ́ gé ní náa gbà nɔ́ɔ̀nyà-atsòtítɔ́ nódzú-ara‐ɛ̀#ɛ́. Náàtsùgbée bɛ́ɛ̀#ɛ́, àwa gbo, àa mú àkaralé-wa si ńǹtá-Yèésù Kírísítò, tsí Ɔ̀ɖáyé kó gbà wá nɔ́ɔ̀nyà-atsòtítɔ́ nódzú-ara‐ɛ̀. Tsí ó gbà wá bɛ́ɛ̀ ti nára-kíbí àa mú àkaralé-wa si ńǹtá-Yèésù Kírísítò#ɛ́ ni. Kò tsi àtsùgbée kíbí àa rɛ̃̀ si nɛ́kpa-Mɔ̀ɔ́sè#ɛ́ ní tse#ɛ́. Iŋɛ́ yèé tse#ɛ́, Ɔ̀ɖáyé kàkó nyáa gba ɔ̀nyà-kã̀ kpókpó nɔ́ɔ̀nyà-atsòtítɔ́ nódzú-ara‐ɛ̀ náàtsùgbée kíbí ó wà rɛ̃̀ si nɛ́kpa-Mɔ̀ɔ́sè#ɛ́.