Popular Bible Verses from 2 Tɛ̀sàlòníkì ŋa 2

Share

È máa dzɛ́ gìɖì ní ɔ̀nyà-kã̀ kó rú ŋɛ́ ńǹrɔ́-kã̀ kpókpó. Ó ɖi, tã́ná Ɔlá-wa kó wá#á, ɔ̀nyà ŋa nákó kɔ̀ ní àŋa kàkó gbɔ́ɔ̀lú fú Ɔ̀ɖáyé. Ɔ̀nyà-kã̀ wà, tsí ó nya ɛkpa-Ɔ̀ɖáyé† kãdzú. Ɛnɛ nyɛ̀ŋɛ̀ nákó mú ara‐ɛ̀ ɖíre. Ɔ̀nyà-atseébàɖí ní ó dzɛ́#ɛ́, tsí nákó lɔ nɛ́ɛ̀rá.

Ìnàbí-wa ŋa, ɛ̀ŋɛ yèé Yèésù Kírísítò Ɔlá-wa nɛ́ àmúɖɔ̃̀ fú#ɛ́, ó dzɔ ní àa kó wà ɖɔ́kpɛ́ fú Ɔ̀ɖáyé fú ŋɛ́ nɔ́dzɔ́ kɔ́dzɔ́. Ó ɖi, ó tsã̀ ŋɛ́ ní òŋu kó gbà ŋɛ́ là náàtsɛ̃̀tsɛ̃̀, tsí e wà kíbí dzídzɛ àtsɛ̃̀tsɛ̃̀ yèé à nákó ń rò fúu#ɛ́. Mímí‐ɛ̀ gbà ŋɛ́ fúu, tsí è gba òtítɔ́ gbo gbɔ́. Bɛ́ɛ̀ ní ó tse, tsí gbà ŋɛ́ là#á.

Tsí nákó kɔ iŋɛ ŋa sísɛ̃̀, tsí kɔ Ɔ̀ɖáyé sísɛ̃̀ gbo. Iŋɛ́ ɔ̀kã̀lɔ́ɔ̀kã̀ yèé ɔ̀nyà náa sɛ̃̀ gé#ɛ́, nákó kɔ̀ ŋá kpó. Nákó wò ní òŋu kó kpeéwo fú iŋɛ́ nyɛ̀ŋɛ̀ ŋa kpó, tsí nákó lɔ káà wɔlé-Ɔ̀ɖáyé dzokó, tsí wà fɔ̀ ní òŋu ní dzɛ́ Ɔ̀ɖáyé#ɛ́.

Ɔ̀ɖáyé Boba-wa, òŋu ní nɛ́ àmúɖɔ̃̀ fú wa#á, tsí gbà ńǹtá-ore-ɔ̀fɛ́‐ɛ̀#ɛ́, ó ɖáàmí le wá títí kò nɛ́ ìkpàkũ, tsí ó tse tsí odzú-wa gbo wà nɔ́ɔ̀nà si. Ńbɛ̀ɛ́, àa wà wúùre fúu, tsí wà wúùre fú Yèésù Kírísítò Ɔlá-wa òŋu ká‐ɛ̀ ní ká mú ɛ̀ɖɔ̃̀ kã̀ ŋɛ́, tsí ká ɖáàmí le ŋɛ́, tsí itsɛ́ yèé è wà tse ŋa gbo kpó#ɛ́ òŋu afɔ̀ yèé è wà fɔ̀ ŋa gbo kpó#ɛ́, kó dzɛ́ ire.

Tsí kíbí à kò gbàá gbɔ́#ɛ́, Ɔ̀ɖáyé òŋu ká‐ɛ̀ nákó bɛ ikpá-kã̀ wá fú ŋa. Tsí ikpá#á nákó rú ŋa, tsí à nákó tɛ̀ náànyì-òɖòbò-Ètsù.

Kíbí ɔ̀nyà-atseébàɖí#ɛ́ nákó wá#á, Ètsù† ní nákó wà tsitsɛ́ gbà ńǹtá‐ɛ̀#ɛ́. Ètsù nákó fúu ńkpá lákṹ-kã̀, tsí kó wà ń tse iŋɛ́-àwùsì ɔ̀kã̀lɔ́ɔ̀kã̀, tsí wà ń rú ɔ̀nyà ŋa ní ikpá-Ɔ̀ɖáyé ni. Tsí nákó gbà nɔ́ɔ̀nà ɔ̀kã̀lɔ́ɔ̀kã̀, tsí ń rú ɔ̀nyà ŋa lɔ nɔ́ɔ̀nà-íbàɖí. Ɛnɛ nyɛ̀ŋɛ̀ ŋa#á, à làkóò nɛ́ɛ̀rá. Nákó nyáa rú ŋa bɛ́ɛ̀, iŋɛ́ yèé tse#ɛ́, à kò gba òtítɔ́#ɛ́, tsí ń tsitsɛ́ tse. À má gba òtítɔ́#ɛ́, Ɔ̀ɖáyé má gbà ŋá là.

Ó ɖi, ikpá-íbàɖí ti wà si, tsí wà tsitsɛ́ ńǹɖúkù, àtsùgbée ɔ̀nyà ŋa kó máa rɛ̃̀ si nɛ́kpa-Ɔ̀ɖáyé. Tsí nákó wà tsitsɛ́ ńǹɖúkù si bɛ́ɛ̀ títí fú àsòkò yèé ɛnɛ yèé ɖí ɔ̀nà si fúu#ɛ́ nákó nya ɔwɔ́ nára‐ɛ̀#ɛ́.