Popular Bible Verses from 1 Tìmɔ̀té 6

Share

Kíbí ɔmɔ̀tsɔ́ ŋa náa ɖìgírí si kũkũ, tsí wà ɖugbã̀-ara-ŋa, tsí ká làdzɔ̀ɔ́ fú ara-ŋa#á, ìwɔ gbo nà ɖìgírí bɛ́ɛ̀, tsí o gba Yèésù gbɔ́, tsí o rí àyɛ̀-àrìtã́. Àyɛ̀-àrìtã́#á, Ɔ̀ɖáyé tsã̀ɛ́ ní kó tɔwɔ́-ɛ̀ɛ ni. Ńnɛ̀ ní ò ǹɖe ɖóro nódzú-ɔ̀nyà kpó, tsí wí òtítɔ́ ti nára-Yèésù#ɛ́.

Ìɖéǹɖè#ɛ́, odzú gúgù si ńǹtá-owó ní dzɛ́ ogùgù-iŋɛ́-íbàɖí ɔ̀kã̀lɔ́ɔ̀kã̀#á. Odzú-ɔ̀nyà kã̀ŋa gù si ńǹtá-owó, tsí à kɔ ɔ̀nà sísɛ̃́#ɛ́ dzɔ̀ɔ́, tsí à kò gba Yèésù gbɔ́ ró. Tsí ìréré-ŋa ɖi agúgú, tsí wà gú oŋù-ɛ̀ɖɔ̃̀-ŋa.

Ìɖéǹɖè#ɛ́, bí ò dzɛ́ olí-Yèésù, tsí iŋɛ́ yèé wà nɔ́wɔ́‐ɛ̀ɛ ti tóɛ, tsí ɖɔ̃̀ fɛ́ɛ gbo#ɛ́, èrè lákṹ-kã̀ wà ńnɛ̀ fɛ́ɛ.

Àa wá náyé#ɛ́ nɔ́wɔ́ nákpo, tsí àa nákó sɛ̃̀ lɔ gbo nɔ́wɔ́ nákpo ké.

Báàyí#ɛ́, ɛnɛ yèé ŋa dzɛ́ olówó, tsí wà náyé#ɛ́ si bí#ɛ́, nà fɔ̀ fú ŋa ní ká máa wà rí ara-ŋa, tsí wà mí kã owó rírí-ŋa. Àkaralé kò wà ńnɛ̀. Ó ɖi, ká wà mí kã Ɔ̀ɖáyé. Òŋu ní náa fú wa ńŋɛ́ kpó, tsí náa tsɔ̀ wá kũ̀ si bùràà, àtsùgbée àa kó wà ń táyè#ɛ́.

Ɛnɛ yèé ŋa náa wò ní àŋa kó ɖi olówó#ɛ́, Ètsù† náa sɔ fɛ́tsa fú ŋa, tsí à náa dzì ńnɛ̀. Gbà ńǹtá-awù-iŋɛ́ kpíkpɔ̀ ní ó ɖã́ ŋa wò, tsí à kà tsèsérè tã́ná, tsí à náa tɛ̀ náànyì-iŋɛ́ bíbàdzɛ́ ŋa#á. Tsí awù#ɛ́ náa fà ŋá káà dzì nɛ́ɛ̀rá, tsí à náa tsɛ̀rá kpó bútúbútú.

Tsí nà wí fú ŋa ró ní ká wà tse ore fúnɛ. Tsí kíbí à rí owó tó#ɛ́, ore tsítse gbo kó kpɔ̀ fú ŋa bɛ́ɛ̀. Ká wà fúnɛ ńŋɛ́ òŋu ɛ̀ɖɔ̃̀ tútù, tsí ká dzɛ́, tsí wà kpɛ̃́ iŋɛ́ bá ɛnɛ-àtíbɔ̀ ŋa gbo. Bí à wà tse bɛ́ɛ̀#ɛ́, ó wà kíbí à wà tsùkólóbo si fú ànyìwà-ɔ̀la bɛ́ ni. Tsí à nákó rí àyɛ̀ yèé dzɛ́ àyɛ̀-òtítɔ́#ɛ́.