Popular Bible Verses from 1 Tìmɔ̀té 3

Share

Ìɖéǹɖè#ɛ́, ɛ̀kɔ́ ti nára-Yèésù#ɛ́, Ɔ̀ɖáyé nyàá ɖíre fú wa, tsí ó dzɛ́ iŋɛ́ lákṹ kpàtàkìì-kã̀ ni. Òŋu ní wà dzɛ́ ní fee, Yèésù, ó wá ńǹtalɛ̀ bí, tsí à rí ní ɔ̀nyà ni. Mímí-Ɔ̀ɖáyé† nyàá ɖíre ní ó dzɛ́ ɔ̀nyà-atsòtítɔ́. Adzítsɛ́-ɔ̀rɔ̃ ŋa gbo rí iyì‐ɛ̀. À dzíkɔ̀‐ɛ̀ wérí ìlú ŋa kpó, tsí ɔ̀nyà ŋa gbo gbàá gbɔ́ náyé gbaŋgba#á. Tsí Ɔ̀ɖáyé kɛ́ɛ lɔ nɔ́ɔ̀rɔ̃, tsí iyì-Ɔ̀ɖáyé wà ńǹtá‐ɛ̀ si.

Kíbí ó dzɛ́ itsɛ́-ire ní ó dzɛ́#ɛ́, ó wà ní onùgbó-ɛgbɛ́-Kírísítò#ɛ́, ɔ̀nyà-kã̀ kpókpó kó máa nyáa dzinya-ìlò‐ɛ̀. Kó nɛ́ aya ɔ̀kã̀ntso gbo, tsí aya#á kó tóo. Kó wà mú ara‐ɛ̀ gbo rere, tsí kó wà tse iŋɛ́-ɔ̀nyà gbo. Ńŋɛ́ ɔ̀kã̀lɔ́ɔ̀kã̀ kpó#ɛ́, ó wà ní kó wà gbɛ̃́ ara‐ɛ̀ gbo rere. Tsí kó wà gba àledzò gbo rere, tsí kó nyáa tsɛ̀kɔ́ fúnɛ gbo.

Kó wà gbɛ̃́ kpàtá tòŋu ká‐ɛ̀ rere. Tsí ɔma‐ɛ̀ ŋa ká wà gbɔ̃́ɔ̃̀rã̀ fúu, tsí ká máa wà tse iŋɛ́ kòdzɔkòdzɔ.

Àtsìtsɛ́-ɛgbɛ́-Kírísítò ŋa#á, ká nɛ́ aya ɔ̀kã̀ntso, tsí aya-kṹnukṹ kó tóo. Tsí ká dzɛ́ ɛnɛ yèé ŋa náa gbɛ̃́ ɔma-ŋà ŋa òŋu kpàtá-ŋà ŋa rere#ɛ́. Ó ɖi, àtsìtsɛ́-ɛgbɛ́-Kírísítò ŋa yèé wà tsitsɛ́-ŋa rere#ɛ́, à náa ɖi ɔ̀nyà yèé ŋa à wà bu ìɖì si fú#ɛ́. Tsí bí à wà wíìnyɛ̀ ti nára-Yèésù Kírísítò òŋu kíbí ó wà ní ká gbàá gbɔ́ gbà#á, à náa wíi òŋu ɛ̀ɖɔ̃̀ kíkã̀, tsí àkaralé gbo náa wà ńnɛ̀.