Popular Bible Verses from Loma 12

Share

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Lekini upaalilo winu umuletele luzango. Tekini myenzo mu ntazi zinu, nga nu kupepa nsita zyonsi.

Mutacimviwa ni nkota, lelo cimvini inkota pa kucita visuma.

Mwatemwana cuze ndi vino aina Klistu yalinzile kutemwana, nupya mwacindikana.

Kutemwa kutayamo usomvi. Musule vintu viipe vyonsi. Lemasyini visuma vyonsi.

Citini vyonsi vingacitwa pakuti mwikale mu mutende na antu onsi.

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

Mwaombesya pa kutumikila Mwene. Mutaya akasu Mwatumikila Mwene nu muzonda.

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Umwi ndi wamucitila ciipe, namwe mutamucitila ciipe. Ezyini kucita vintu vino antu yonsi yalola ukuti visuma.

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Lelo mu cifulo cakwe cico, ndi vino calembwa mu malembelo cati, “Mwanisi wako ndi uvwa inzala, mwimule. Ndi uvwa lusala, mupele manzi akumwa. Pano lino wacita vivyo ale wamulenga kuya ni nsonyi.”

Pepini kuli Leza kuti apolelele yao akumuzunya. Endi, pepini kunoli kuti atayatipwila, lelo ayapolelele. Muzange pamwi na yao akuzanga, losyini pamwi na yao akulosya.

Mwakumbusuka aina inu yano yulilwa, nga nu kuzengela alendo mu mang'anda inu.

Pano mwili waya ni vilundwa vingi, nga cila cilundwa cakwata mulimo uiyele. Mu musango uli onga kwene avino naswe twaya mwili onga muli Klistu, nupya swensi twailundanya kuli cila wenga ndi vino mwili onga waya ni vilundwa vipusanepusane.