Popular Bible Verses from Mateo 7

Share

“Caleka namunena nati, lengini nga mumapelwa, londini nga mumazana, konkonsyini nga mumayulilwa.

Pano wensi akalenga akapelwa, na wino akalonda akazana, nga na wino akakonkonsya akayulilwa.

“Caleka wino wensi akauvwa mazwi yane nu kuyayela, wene wakolana wa muntu wa mano, wino wakuuzile ng'anda yakwe pa lwala.

“Acino vintu vyonsi vino mukasi kuti antu yamucitile namwe kwene avino mwayacitila. Pano avino Masunde yakwe Mose nu usambilizyo wakwe yakasema vikalanda.

Lelo mpongolo yakwingilila ku umi iifyenkane. Nu museo wakuilamo wene watala kulondela, cakuti antu akauzana anono sile.

“Ingililini pa mpongolo ifyenkane, pano mpongolo yakwingilila ku ononesi iisalale. Nu museo wakuilamo uusalale, nga na antu aingi yakaingila nu kupitamo.

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela vintu visuma kuli yao akamulenga?

“Mutapingula auzo, kuti namwe Leza atakamupingule. Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

“Lelo wensi akauvwa mazwi yane nu kuntayela, wene wakolana wa muntu muwelewele wino wakuuzile ng'anda yakwe pa lusenga.

Pacani ukulolekesya akakona akali mwi linso lya munyonko, lelo utasakamile mulando uli mwi linso lyako? Uzye ungavwanga uli ku munyonko uti, ‘Mwinane, leka nkusisizye akakona mwi linso lyako,’ lino wemwisikulu uli nu mulando mwi linso lyako?

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali. Mulayamanyila ku milimo yao. Uzye antu yakakulula matingi ku munga, nanti masamvu kuli nkololwe?

Mu musango uli onga kwene, umuti onsi usuma ukaseeka vizao visuma, lelo umuti uwipe ukaseeka vizao viipe.

Umuti usuma utangaseeka vizao viipe, nu muti uwipe utangaseeka vizao visuma.

Umuti onsi uno usyaseeka vizao visuma ukakomwa, nu kusumbwa mu moto.