Popular Bible Verses from Mateo 24

Share

Pamulandu wakuti antu yalaifya kuluta, kutemwa mu antu aingi kulacepa. Lelo wino wensi alaposya kufika nu ku mpelelekezyo wene alatuulwa.

Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.

Muluvwa inkondo ni mpupilizi zya nkondo kutali, lelo mutakasakamale. Vintu vii vilinzile kucitika, lelo visikulanga ukuti mpelelekezyo yatifika.

Inko zilakatukilana, na mawene yalakatukilana. Kulaya vipowe ni vilundumusi mu ncende zimwizimwi. Vintu vii uli utandiko wa macuzi akulu cuze.

Iyulu ni nsi vitalikalilila manda pe, lelo mazwi yane yene yalikalilila manda pe.

Pano antu aingi yalizila mwi zina lyane nu kuti, ‘Nene ndi Katuula uwalavilwe!’ Yene yalaponzya antu aingi.

“Lyene yalamulema, yalamuzunya nu kumukoma. Antu amu nko zyonsi yalamupata pamulandu wane. Pa nsita ilya, aingi yalafutatila utailo, nupya yalakoopana nu kupatana. Na yakasema yaufi aingi yalaloleka nu kusomba antu aingi.

Yesu nawe aasuka ati, “Cenjelini, mutaleka umuntu nanti wenga amuponzye.

Caleka namwe kwene mulinzile muiteyanye, pano Mwana wa Muntu aliza pa nsita ino mutenekile.

“Caleka pempulini, pano mutamanyile wanda uno Mwene winu aliza.

“Kusi nanti wenga wamanya kwiza kwa wanda ulya nanti kasita. Angeli ya mwiyulu nanti Mwana kwene yatamanya, suka sile Tata.

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Vino cali mu manda yakwe Nowa, avino cilaya pa kwiza kwa Mwana wa Muntu. Pano mu manda yalya, lino mulamba atali aiize, antu yalyanga nu kumwa, yatwalanga nu kutwalwa, kufika na pa wanda uno Nowa wingile mu cange. Lelo yatamanyile icali nu kucitika kufika lino mulamba wizile asenda yonsi kwene. Mu musango uli onga avino cilaya pa kwiza kwa Mwana wa Muntu.