Popular Bible Verses from Mateo 19

Share

Yesu ayalolekesya ayanena ati, “Ku antu citangacitika, lelo kuli Leza vintu vyonsi vingacitika.”

Acino yatacili yaili, lelo umwili onga. Caleka kusi umuntu angalekanya cino Leza watalundanya.”

Yesu nawe aasuka ati, “Uzye mutawelenga vino pa utandiko Leza wayaumvile umonsi nu mwanaci? Nupya wavwanzile ati, ‘Pamulandu ukwene, umonsi alasya isi na nyina nu kuilundanya ku muci wakwe. Lyene oili yalaya umwili onga.’

Lyene Yesu ayanena ati, “Lekini ana anono iize kunondi, mutayalesya, pano Uwene wa mwiyulu uwakwe yao ali ndi yaa.”

Lelo antu aingi ali ankolelo ndakai yalaya acisila nga na ingi ali acisila yalaya ankolelo.

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Yesu nawe amunena ati, “Ndu kasi ukuya mufumaluke, yanga kakazye vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

“Yesu nawe amwaasuka ati, ‘Uzye pacani wanguzya pamulandu ni cisuma? Leza, wenga sile aliwe umusuma. Lelo ndu kasi kuti Leza akupeele umi wape, wayela masunde yakwe.’

Nupya namunena vino cangupalila ingamila kupuzya mwi linso lya nsindano, kuluta mukama ukwingila mu Wene wakwe Leza.”

Namunena vino umuntu wensi uwata umuci wakwe, suka sile ndi wamulemula, ndi watwala mwanaci muze, ala walongozya.”

Lyene Yesu anena alondezi yakwe ati, “Cumi namunena vino cilatalila mukama kwingila mu Wene wa mwiyulu.