Popular Bible Verses from Kufuma 6

Share

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ” Mose anena aina Izlaeli vintu vii, lelo yene yakana kuvwa amazwi yakwe, pamulandu wakuti yalanga yatiyafita mpiti ku mwenzo pa milimo yao iya uzya.

Lelo Yawe aasuka Mose ati, “Ndakai umalola vino namacita kuli Falao. Namamupatikizya ate antu yane yapite. Endi namamupatikizya kuti ayafumye mu mpanga yakwe.”