Popular Bible Verses from Kufuma 15

Share

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Watutungulula antu yako yano wapuswisye ku anisi yao mu lukundo lwako ulusikaoka. Ku maka yako wayatungulula ku mpanga yamuzilo.

Lino yafika pa cifulo ci zina lyakuti Mala iyazana amanzi, lelo ala alule cakuti muntu atangamwa. Acino yatemela cifulo cici yati, Mala. Antu yailizyanya kuli Mose nga yamuzya yati, “Uzye ndakai tumamwa cani?” Mose apapata kuli Yawe, alino Yawe amulanga kamuti. Mose atoola kamuti akasumbila mu manzi, na manzi yaluluka. Kuku kwene akuno Yawe ayapeela amasunde akuti yalondela mu wikazi wao. Yawe ayezya kuti alole ndi yangayela amasunde yakwe.