Popular Bible Verses from Ɔrɔ 8

Share

An y'a lɔn ko Ala be baara kɛ ni fɛɛn bɛɛ ye a kanubagaw ka makoɲa kama, a y'o minw wele ka kɛɲɛ n'a ka koo latigɛnin ye.

Bari ne jigi b'a la ko hali saya yɛrɛ, walima sijan, walima mɛlɛkɛw, walima jinaw, walima fɛɛn minw be diɲɛ na bii, walima minw bena kɛ yen sini, walima setigiw, hali fangatigi minw be sanfɛ, walima minw be dugukolo jukɔrɔ, walima danfɛn wɛrɛw, fɛɛn si te yen min be se k'an faran ka bɔ Ala ka kanuya la min yirala an Matigi Yezu Krista sababu la.

O cogo la fana, Nii Senuman b'an dɛmɛ an ka dɛsɛyɔrɔw la, bari an te daalili cogo lɔn, nga Nii Senuman yɛrɛ le be daalili kɛ an nɔɔ na ni ŋunankan ye min te se ka fɔ.

An be mun fɔ tugu? Ni Ala b'an fɛ, jɔn be wili an kama tugu?

Sisan kɔni, mɔgɔ minw be ni Yezu Krista ye, jalakiyɔrɔ si te olu la.

Ka sɔn farisogo ka koo ma, o laban ye saya ye, nga ka sɔn Nii Senuman ta ma, o ye balo ni hɛrɛ ye.

Nga o bɛɛ n'a ta, an kɛra sesɔrɔlaw ye kosɔbɛ, Krista barika la, ale min y'an kanu.

Ne ka miiri la, boɲa min bena la an kan sini, o te se ka suma ni bii tɔɔrɔ ye.

Mun le be se k'an faran ka bɔ Krista ka kanuya la? Sigɛn, walima hakiliɲagami? Tɔɔrɔ, walima kɔngɔ? Dɛsɛ, walima farati? Walima n'u b'an faga wa?

Ala min be adamaden dusulako lɔn, ale b'a lɔn Nii Senuman be fɛɛn min fɛ, bari Nii Senuman be daalili kɛ Ala ka mɔgɔw ye ka kɛɲɛ ni Ala sago ye.

Mɔgɔ minw be taama ka kɛɲɛ ni Ala ka Nii sago ye, olu ye Ala deenw ye.

Tiɲɛ na, mɔgɔ min be taama ka kɛɲɛ ni farisogo sago ye, o tigi ka miiriya be to o le kan, nga min be taama ka kɛɲɛ ni Nii Senuman sago ye, o tigi ka miiriya be to Ala ka koo le kan.

Ale min ma ban k'a yɛrɛ Dencɛ di ka sa an bɛɛ kosɔn, a be kɛ cogo di n'a tena fɛɛn bɛɛ di an ma ka fara a Dencɛ kan?

O Nii Senuman nin b'a yira an na ko an kɛra Ala deenw ye. N'an kɛra Ala deenw ye, an bena niyɔrɔ fana sɔrɔ Ala fɛ, an ni Krista bena o sɔrɔ ɲɔgɔn fɛ, bari n'an y'a ka tɔɔrɔ ɲɔgɔn sɔrɔ, an fana ben'a ka boɲa ɲɔgɔn sɔrɔ.

Adamadenw ka nigɛjuguw sera mɔgɔ minw kɔrɔ, u ye Ala juguw ye. U te sɔn Ala ka sariya ma, u fana te se k'o kɛ.

Bari Ala bena boɲa la a ka deenw kan loon min na, diɲɛ kɔrɔtɔnin be k'o loon makɔnɔ.

An y'a lɔn ko halibi diɲɛ bɛɛ be ŋunanna i n'a fɔ muso min be jigira.