Popular Bible Verses from Ɔrɔ 10

Share

N'i sɔnna k'a fɔ ko Yezu ye Matigi ye ani ka l'a la ko Ala y'a kunun a sanin kɔ, e bena kisi.

Tiɲɛ na, n'i lar'a la i dusu la, Ala b'i jati mɔgɔtilennin ye, n'a bɔra i daa la, i be kisi.

O la, mɔgɔ be waajuli mɛn ka sɔrɔ ka la Krista la, waajuli le ye Krista ka koo ɲafɔli ye.

Bari a fɔra Ala ka kuma na ko: «Ni mɔgɔ min lara Ala la, o tigi tena maloya.» O la, danfara te zuwifuw ni siya wɛrɛw cɛ, u bɛɛ ka Matigi ye kelen ye, min man'a daali, a be o tigi ta ɲa kosɔbɛ. Bari: «Mɔgɔ o mɔgɔ mana Matigi tɔgɔ wele, o tigi bena kisi.»

Mɔgɔ fana be se k'a koo fɔ cogo di, n'u ma ci? O la, a fɔra Ala ka kuma na ko: «Mɔgɔ minw be kibaru diman fɔ,» ko: «Olu yenin be mɔgɔ nisɔndiya!»

U be se ka kɛ cogo di ka Matigi daali, n'u ma l'a la? U fana be se ka l'a la cogo di, n'u m'a koo mɛn? U fana be se k'a koo mɛn cogo di, ni mɔgɔ m'a fɔ u ye?

Tiɲɛ na, sariya dafanin ye Krista ye, janko ni mɔgɔ min lara Krista la, Ala k'o tigi jati mɔgɔtilennin ye.