Popular Bible Verses from Mar 4

Share

Yezu kununna ka kuma fɔɲɔ kunna, k'a fɔ baji ye ko a ka mankan dabila. Fɔɲɔ lɔra, yɔrɔ malara tɔntɔntɔn. O kɔ, a y'a fɔ a ka kalandenw ye ko: «Mun na aw be siran ten? Aw ma la ne la halibi wa?»

U siranna kosɔbɛ fɔɔ u ye ɲɔgɔn ɲininga ko: «Cɛɛ nin ye jɔn ye? Hali fɔɲɔ ni baji be sɔn a ta ma.»

Yezu tun be sinɔgɔra kurun kɔfɛla la, a kuun lanin tun be piti kan. A ka kalandenw y'a kunun k'a fɔ a ye ko: «Karamɔgɔ, an bena halaki jii la, i te hami o la wa?»

Yezu y'a fɔ u ye tuguni ko: «Aw be kuma min mɛn, aw k'aw janto o la kosɔbɛ. Ala bena aw sɔn ka kɛɲɛ n'aw ka lamɛnni kɛcogo ye. A bena dɔ fara aw ta kan yɛrɛ

Yezu y'a fɔ tuguni ko: «Ala ka masaya be cogo min na, o filɛ nin ye. A be i n'a fɔ cɛɛ dɔ min ye sumansi seri a ka foro la. O kɔ, cɛɛ be to ka sinɔgɔ sufɛ ka kunun sɔgɔma. O waati la, kisɛ be falencogo min na ka boɲa k'a sɔrɔ cɛɛ m'a falen n'a boɲacogo lɔn.

Ni tulo be min fɛ ka mɛnni kɛ, o ka mɛnni kɛ.»